ANY HOW MITTI PAO

ਹੇਠ ਲਿਖੀਆਂ ਗੱਲਾਂ ਨਵੀਂ ਬਣੀ ਪੰਜਾਬੀ ਫਿਲਮ Any How ਮਿੱਟੀ ਪਾਓ ਦੇ ਬਾਰੇ ਵਿੱਚ : 

ANY HOW ਘੱਟਾ ਪਾਓ ਗੱਲ ਮਕਾਓ ਫਿਲਮ ਟਪਾਓ

Harish Verma

Amyara Dastur 

Karamjit Anmol 

ਤਿੰਨਾ ਲਈ ♥️♥️♥️♥️✅

ਪੰਜਾਬੀ ਸਿਨਮੇ ਦੇ ਸਕ੍ਰਿਪਟ ਰਾਇਟਰਾਂ ਵੀਰਾਂ ਲਈ ✍️

"ਮਾਲੂਮ ਨਹੀਂ ਵੋ ਕਿਸ ਬਾਤ ਸੇ ਸਤਾਏ ਬੈਠੇ ਹੈਂ

ਜੋ ਹਸਤੇ ਹਸਾਤੇ ਥੇ ਕਭੀ 

ਆਜ ਵਿਆਹੇ ਬੈਠੈ ਐਂ"

ਬਾਕੀ ਵਿਅਕਤੀਗਤ ਵਿਚਾਰ ਬਤੌਰ ਇੱਕ ਅਦਬੀ ਸਿਨੇਹੋਲਿਕ ਦੇ ਤੌਰ ਤੇ : - 

" ਕਿਸੇ ਨੇ 2 ਦਸ਼ਕ ਪਹਿਲਾਂ ਗੱਲ ਦੂਰਅੰਦੇਸ਼ੀ ਵਿੱਚ ਮੂੰਹੋ ਕੱਢੀ ਸੀ - ਪੰਜਾਬੀ ਫ਼ਿਲਮਾਂ ਅਗਲੇ 25 ਸਾਲ ਤੱਕ ਵਿਆਹ ਦੇ ਮਸਲੇ ਤੋਂ ਅੱਗੇ ਜਾ ਕੇ ਨਹੀਂ ਸੋਚ ਸਕਣਗੇ. 

ਫ਼ਿਲਮਾਂ ਸਿਰਫ ਕੁਝ 2-4 ਦਿਨ ਚੱਲ ਕੇ ਯਾਦਾਸ਼ਤ ਵਿੱਚ ਅਲੋਪ ਹੋ ਜਾਂਦੀਆਂ.

Classic ਸਿਨੇਮੇ ਦੀ ਨੀਂਹ ਰੱਖਣ ਵਿੱਚ ਹਾਲੇ ਨਵੇਂ ਫਿਲਮ ਮੇਕਰ ਪ੍ਰੋਡਿਊਸਰ ਲੱਭ ਰਹੇ ਹੈਂ.

ਪੰਜਾਬੀ ਫਿਲਮ ਇੰਡਸਟਰੀ ਦਾ ਮੁੜ ਪਰਚੱਲਿਤ ਹੋਣਾ ਆਪਣੇ ਸਿਖ਼ਰ ਤੇ ਹੈ.

ਪ੍ਰੋਡਿਊਸਰ ਵੱਲੋਂ ਖੌਰੇ ਲਿਖਾਰੀਆਂ ਵਲੋਂ ਜਾਂ ਫਿਰ ਰੱਬ ਜਾਣੇ ਡਾਇਰੈਕਟਰਾਂ ਵੱਲੋਂ ਮੁੜ ਰੁੜ੍ਹ ਕੇ ਓਹੀ ਸਕ੍ਰਿਪਟ ਤੇ ਓਹੀ ਅੰਕਲ ਆਂਟੀਆ ਵਾਲੀ ਗੱਲ ਨੂੰ ਮੈ ਹੁਣ ਮੈ 2023 ਦੇ ਮੁੱਕਣ ਤੇ ਵਿੱਚ ਸਵੀਕਾਰ ਕਰ ਲੈਣਾ ਹਾਂ. ਹਿੰਦੀ ਫ਼ਿਲਮਾਂ ਦੇ 90s ਦੇ ਤਜ਼ੁਰਬੇ ਨੂੰ ਮਿੱਟੀ ਪਾ ਕੇ ਘੱਟਾ ਬਣਾ ਕੇ ਫਿਰ ਰੋੜ੍ਹ ਕੇ ਦਰਸ਼ਕਾਂ ਸਾਹਮਣੇ ਰੱਖ ਦਿੱਤਾ. 

ਮਸਾਲਾ ਓਹੀ ਭਾਂਡਾ ਨਵਾਂ ਐਂ ਬੱਸ.

ਬਤੌਰ ਇੱਕ ਲੇਖਕ ਤੇ ਐਕਟਰ ਫ਼ਿਲਮਾਂ ਬਣਾਉਣ ਤੋਂ ਪਹਿਲਾਂ ਅਸੀਂ ਜਿਹੜੇ ਸਿਨੇਮੇ ਨੂੰ ਸਭ ਤੋਂ ਪਹਿਲਾਂ ਨਕਾਰ ਕੇ ਇੱਕ ਪਾਸੇ ਟੰਗ ਦੇਣੇ ਹਾਂ. ਮੁੜ ਤੁੜ ਕੇ ਓਹੀ ਫਿਰ ਭਲੇ ਲੋਕਾਂ ਦੀ ਮੇਹਰਬਾਨੀ ਤੇ ਸਭ ਦੇ ਸਾਹਮਣੇ 35 MM ਤੇ ਮਨਮਸਤਕ ਐਂ. Uk Subsidy ਜਿੰਦਾਬਾਦ.

"ਬਨਾ ਕਰ ਵਜੀਰੋਂ ਕਾ ਹਮ ਭੇਸ ਗਾਲਿਬ

ਖਜਾਨਾ ਅਹਲੇ ਵਤਨ ਲੁੱਟੱਤੇ ਹੈ"

ਪਰ ਓਹੀ ਨਿਚਲੇ ਦਰਜੇ ਦੀ ਕਾਮੇਡੀ ਜਦੋਂ ਸਿਨੇਮਾ ਘਰਾਂ ਵਿੱਚ ਪੋਸਟਰਾਂ ਦੇ ਨਾਲ ਓਹ 10 ਕਰੋੜ -15 ਕਰੋੜ ਦੇ ਅੰਕੜੇ ਸੁਣਦੇ ਦੇਖਦਾ ਹਾਂ ਤੇ ਹੈਰਾਨਗੀ ਦੇ ਨਾਲ ਅੱਜ ਨਰਾਜ਼ਗੀ ਹੈਂ. 

ਮੈਂ ਕੋਈ ਫਿਲਮ ਸਮੀਖਿਆ ਕਰਨ ਵਾਲਾ ਨਹੀਂ ਹਾਂ ਤੇ ਨਾ ਹੀ ਵੈਰ ਵਿਰੋਧ ਰੱਖਣ ਵਾਲਾ. ਚੰਗੀ ਫਿਲਮ ਲਈ ਆਸ ਪਾਸ ਵਸੇਂਦਿਆ ਨੂੰ ਜਾ ਕੇ ਦੱਸਣੇ ਆ ਭਾਈ ਨਵੀਂ ਫਿਲਮ ਲੱਗੀ ਐ ਦੇਖ ਆਓ. 

ਚੰਗੇ ਸਿਨੇਮੇ ਦੀ ਲੋੜ ਬਤੌਰ ਇੱਕ ਫਿਲਮ ਮੇਕਰ , content creator ਦੇ ਤੌਰ ਤੇ ਪੌਣੀ ਉਮਰ ਲੰਘਾ ਕੇ ਫਿਲਮ ਬਣਾਉਣੀ ਆਉਦੀ ਐਂ. ਵੇਚਣੀ ਨਹੀਂ ਆਉਂਦੀ.  ਲੋਕਾਂ ਦਾ ਮਨੋਰੰਜਨ ਕਰਨਾ ਸਾਡਾ ਕੰਮ ਐ. 

ਜਿਹਨੂੰ Fame ਚਾਈਦਾ ਓਹਨੂੰ ਫੇਮ ਮਿਲੇ. 

Acting is satisfaction

Direction is heaven

Production is hell 

ਫਿਲਮ ਵੇਖਣ ਤੋ ਬਾਅਦ ਮੂੰਹ ਚ ਮਾਇਕ ਧੁੰਨ ਧੁੰਨ ਪੁੱਛਣ ਵਾਲਿਆਂ ਤੋਂ ਸਾਵਧਾਨ !!!  ਓਹ ਫਿਲਮ ਬਾਰੇ ਕੋਈ ਸਹੀ ਗੱਲ ਨਹੀਂ ਦੱਸਦੇ. 

ਚੰਗਾ ਮਾੜਾ ਘਾਟੇ ਵਾਧੇ ਤੋਂ ਜਿਆਦਾ ਓਹਨਾ ਨੇ ਛਿੱਕੂ ਨਹੀਂ ਲੈਣਾ ਹੁੰਦਾ.

ਪਰ ਨਰਾਜ਼ਗੀ ਓਹਨਾ ਨਿਰਮਾਤਾ ਨਾਲ ਐ ਜੋ ਘਾਟੇ ਖਾ ਕੇ ਕਿੱਦਾ ਇੱਕ idea ਨੂੰ ਸੁਣ ਕੇ ਆਪਣਾ ਪੈਸਾ ਰੋੜ੍ਹ ਦਿੰਦੇ ਹਨ.

ਆਖਣਗੇ ਦਰਸ਼ਕਾਂ ਨੂੰ ਆਹੀ ਪਸੰਦ ਐਂ.  

ਮੇਰੀ ਪੌਣੀ ਜ਼ਿੰਦਗੀ ਇਹਨਾ ਦਰਸ਼ਕਾਂ ਵਿੱਚ ਰਹਿ ਕੇ ਬੀਤੀ ਐਂ.

Wedding Photography ਵਾਲਾ ਅੱਜ DOP ਹੈਂ.

FTII ਦਾ ਕਿੰਨੇ ਪੜ੍ਹੇ ਲਿਖੇ ਵੀਰ ਭਰਾਵਾਂ ਨਾਲ ਮਿਲ ਕੇ ਨਿਚਲੇ ਦਰਜੇ ਦੀ ਕਾਮੇਡੀ ਕਰਨੀ ਹੋਵੇਂ ਤਾਂ YOUTUBE ਭਰੀ ਜਾ ਸਕਦੀ ਐਂ. Editing ਪੱਖੋਂ ਸਾਡੇ ਕੋਲ hollywood ਤਾਂ ਬਹੁਤ ਦੂਰ 80 ਦੇ ਦਸ਼ਕ ਦੀ Renu Saluja ਦਾ ਲੈਵਲ ਨਹੀਂ ਮੈਚ ਕੀਤਾ ਗਿਆ.

ਮਾਫ਼ੀ ਚਾਹੁਣਾ.

ਪਰ 20-25 ਫ਼ਿਲਮਾਂ ਵੇਖਣ ਦੇ ਬਾਅਦ ਮਹਿਸੂਸ ਕੀਤਾ ਐਂ.

ਪਹਿਲਾ ਸੋਚਦਾ ਸੀ ਅਗਰ ਸੱਚ ਬੋਲਣ ਲੱਗਿਆਂ ਤਾਂ ਆਪਣੀ ਕਿਸੇ ਫਿਲਮ ਵਿੱਚ ਕੰਮ ਨਹੀਂ ਦੇਣਗੇ ਪਰ ਓਹ ਤਾਂ ਵੈਸੇ ਵੀ ਨਹੀਂ ਦੇ ਰਹੇ.

ਹੁਣ Hollywood ਹੀ ਜ਼ਿੰਦਾਬਾਦ ਐਂ.

ਪਰ ਅਸੀਂ ਦਰਸ਼ਕਾਂ ਨੂੰ ਥੱਬਾ ਕੂ ਬਾਸੀ ਚੁਟਕਲੇ ਪਰੋਸਣ ਨਾਲੋਂ ਚੰਗਾ 5 ਪ੍ਰੋਡਿਊਸਰ ਇਕੱਠੇ ਕਰ ਕੇ ਕਿਸੇ ਇੱਕ ਚੰਗੇ ਤੇ ਨਵੇਂ ਸਿਨੇਮੇ ਦਾ ਪ੍ਰਸਾਰ ਕਰਨ ਵਿੱਚ ਵਿਸ਼ਵਾਸ ਰੱਖਦੇ ਹਾਂ. ਹੌਲੀ ਹੌਲੀ ਸਹੀ ਸ਼ਾਇਦ ਭਵਿੱਖ ਦੀ ਕਿਸੇ ਤਰੀਕ ਵਿੱਚ ਕੰਮ ਨਾਲ ਹੀ ਆਪਣੀਆਂ ਹੁਣ ਦੀਆਂ ਕੀਤੀਆਂ ਟਿੱਪਣੀਆਂ ਉੱਤੇ ਖਰੇ ਉਤਰ ਸਕੀਏ.

ਪਰ ਪ੍ਰੋਡਿਊਸਰ ਭਾਈਚਾਰਾ ਵਿਆਹ ਦੀਆਂ ਐਲਬਮਾਂ ਵੇਖ ਕੇ ਸ਼ਇਦ ਰਾਜ਼ੀ ਹੈ.

ਓਹਨਾ ਦੀ ਜਾਗ ਖੌਰੇ ਕਦੋਂ ਖੁੱਲ੍ਹੇ.

ਬੈਸਟ ਆਫ ਲੱਕ ਪੰਜਾਬੀ ਇੰਡਸਟਰੀ...... 👍👍👍

ਅੱਜ ਦੀ ਫਿਲਮ ਬਾਰੇ ਇਹੀ ਕਹੂੰਗਾ. ਫਿਲਮ ਵੇਖ ਕੇ ਬਾਹਰ ਨਿਕਲਿਆ ਤਾਂ ਪੁੱਛਣਾ ਚਾਹੁੰਦਾ ਸੀ ਜੇਕਰ ਇਸ ਫਿਲਮ ਦੀ ਕਹਾਣੀ ਜੌ ਕਿ ਹਿੰਦੀ ਫ਼ਿਲਮ ਹਸੀਨਾ ਮਾਨ ਜਾਏਗੀ ਤੋਂ ਬਹੁਤ ਬਹੁਤ ਹੱਦ ਤੱਕ ਪ੍ਰਭਾਵਤ ਸੀ ਜੇਕਰ ਇਹੀ ਕਹਾਣੀ ਅੱਜ ਨਾ ਪੇਸ਼ ਕੀਤੀ ਜਾਂਦੀ ਤਾਂ ਕਿੰਨੇ ਲੋਕਾਂ ਦੀ ਮਿਹਨਤ ਨੂੰ ਕਿਸੇ ਨੇਕ ਕੰਮ ਲਾਇਆ ਜਾ ਸਕਦਾ ਸੀ.

ਬਦਲਦੇ ਵਕਤ ਦਾ ਨਾਲ ਕਹਾਣੀਆਂ ਵਿੱਚ ਨਵੇਂਪਣ ਦੀ ਬਹੁਤ ਉੱਮੀਦ ਲੈਂ ਕੇ ਅੰਦਰ ਵੜਦੇ ਹਾਂ ਪਰ ਜਦੋਂ ਓਹੀ ਵਿਆਹ ਦੀਆਂ ਦਿੱਕਤਾਂ ਨੂੰ ਹਰ ਵਾਰ ਮੁੰਡੇ ਕੁੜੀ ਦੇ ਵਿਆਹ ਦੇ ਸੰਕਟ ਨੂੰ ਪੰਜਾਬੀ ਸਿਨੇਮਾ ਤਰੋੜ ਮਰੋੜ ਕੇ ਪੇਸ਼ ਕਰਦਾ ਰਹਿੰਦਾ ਹੈ.

ਚਲੋ ਰਹਿੰਦੀ ਕਸਰ ਛੇਤੀ 5-6 ਫ਼ਿਲਮਾਂ ਬਣਾ ਕੇ ਅਸੀਂ ਵੀ ਸੁੱਟ ਸਕਦੇ ਹਾਂ ਪਰ ਕੀ ਕਰੀਏ ਸਾਡੇ ਆਰੀ ਪ੍ਰੋਡਿਊਸਰ ਹੱਥ ਅਸਮਾਨ ਨੂੰ ਲਾ ਕੇ ਆਖਦਾ " ਭਾਅਜੀ ਪਿਛਲੀ ਫਿਲਮ ਤਾਂ ਰਿਸ਼ਤੇਦਾਰਾਂ ਨੇ ਹੀ ਵੇਖੀ ਐਂ. 15 ਕਰੋੜ 20 ਕਰੋੜ ਤਾਂ ਬੱਸ ਟਰਪੱਲ ਹੀ ਸੀ.

ਸਿਰੇ ਨੂੰ ਗੰਢ ਦੇ ਕੇ ਇਹੀ ਆਖਾਂਗੇ ਜੇਕਰ ਕਰਮਜੀਤ ਅਨਮੋਲ ਜੀ ਦੀ ਐਕਟਿੰਗ ਦੇਖਣਾ ਚਹੁਣੇ ਹੋ ਤਾਂ ਭਾਈ ਜਾ ਆਇਓਂ.

Any How mitti Pao.

ਫਿਲਮ ਬਾਰੇ ਕੁਝ ਨਹੀਂ ਦੱਸ ਸਕਦਾ. ਆਪ ਦੇਖੋ ਕਿਸੇ ਦੀਆਂ ਟਿੱਪਣੀਆਂ ਪੜ੍ਹ ਕੇ ਅੰਦਾਜ਼ਾ ਨਾ ਲਾਓ.

ਮੈਂ ਤਾਂ  ਅਮਾਇਰਾ ਦਸਤੂਰ ਕਰਕੇ ਚਲਾ ਗਿਆ. ਜੇ ਤੂੰ ਅਮਾਇਰਾ ਦਸਤੂਰ  ਨੂੰ ਅਗਲੇ ਹਫਤੇ ਮਿਲੇ ਤਾਂ ਮੇਰੇ ਵੱਲੋ ਕਹਿ ਪਿਆਰ ਭਰੀ hello ਕਹਿ ਦੇਈਂ.

Dear Amaira dastoor  best of luck for ਚਿੜੀਆ ਦਾ ਚੰਬਾ.

Love your Part in Bambai meri Jaan.

♥️♥️♥️♥️

Any How Gall mukao.

- ਪੰਕਜ ਸ਼ਰਮਾ

तस्व्वुर

जी  मैं हूँ 

कौन मैं  ? 

कोई पहचान बताओ ?

जी मैं !!!

नफ़र्मान ज़हन लड़ाओ और ढूंढ़ो कौन हो तुम  

ज़ेहन ये कौन है ?

और मैं किसी के साथ भी लड़ाई झग़डे के सख्त ख़िलाफ़ हूँ ।
अच्छा समझ गया नाओनोश हो ।

कौन है वो निगार ।

जिसकी क़ैद मैं तुम्हारा ज़ेहन है ।

देखिए आप कौन है 

जो इतनी छानबीन कर रहे है ।

मैं अपना ख़ुत्बा भूल चुका हूँ । 
तुम्हारा ज़ेहन ही नही तुम्हारा तो 

कफ़स भी उसकी क़ैद मैं है ।
कौन हो और क्यों अनाब शनाब बक रहे हो ।

न ही मैं किसी क़ैद में हूँ और 

न ही मुझ पर किसी का कब्ज़ा है ।

मैं ख़ुद को तलाश रहा हूँ 

किस्सा खत्म होने से पहले मुझे खुद को तलाशना है 

नही तलाश पाया तो मुझे कब्र में दफनाया जाएगा ।

मैं पशेमान नही होना चाहता ।
खुद की कोई तस्वीर है तुम्हारे पास 
नही है 
वो तुम्हें आईने में मिलेगा 

जिसे तुम ढूंढ रहे हो 

वो गलीज़ तुम्हे वही मिलेगा ।
मगर मिल भी गया तो उसका करोगे क्या ?

उसे ग़ैरत को गुलाम बना के साथ रखूंगा ।
अरे अक्ल की बात करो ।

किस्सा खत्म करना है तो

जाओ तसव्वुर से जा के निगाहें मिलाओ 

उसकी निगाहों में भी अगर खुद को न पा सके ।
फिर यूं ही कब्र दर कब्र भटकते रहोगे ।

कभी दफना दिए जाओगे 

कभी जला दिए जाओगे

कभी ताबूत में पड़े पड़े सड़ते रहोगे ।

मकोड़े किसी पे तरस नही खाते ।

यूं चलती रहेगी दास्तां 

कभी न खत्म होगा किस्सा ।

कौन हूँ मैं 

ये सवाल सवाल रहेगा ।
खुद से खुद क्या अनजान रहेगा ।

खुद का कोई दार दिखादो

 

एक डगर है मेरी 

चलो साथ मैं ले चलता हूँ ।

तेरा भी है वो ही रस्ता 

तेरे सब खुद मैं के पास ही ले चलता हूँ ।
न मुझको न उस भय नगरी में फिर न जाना 

सब चितवन है 

धोखा है 

तेरे तसव्वुर की चश्म में है जवाब सारे ।

जमाल है वो 

जन्न्त की मिसाल है वो

नाम उसका जैसे तेरे खुदा की ज़ाकिर .

जिस दिन वो जानी जफ़ा को तेरी आँखों में पढ़ पायेगा  

उस दिन वो नही तू होगा 

तू उसमें उसमें मैं होगा  

उस दिन खुद को खुद मिल जाएगा ।

तू ख़ुद में मैं को पायेगा 

तेरे अंदर अंदर वो तुझमें खुद को पायेगा  

तू खुद उसको देख पायेगा ।।।

तसव्वुर से जब मिल जाएगा ।

मैं खुद से मिल के सच्च हो जाएगा ।

सब कुछ सच्च हो जाएगा 

तस्व्वुर तुम से मिल के

मैं पंकज सच्च हो जायेगा ।

पंकज शर्मा ।

ਨਸਰ ਮਜਾਜ਼

 ਆਜ਼ਾਰ ਨੂੰ ਪਹਾੜ ਬਣਾ ਕੇ ਮੋਢਿਆ ਤੇ ਨਹੀਂ ਢੋਇਆ. ਮੁਸਤਕ਼ਬਿਲ ਬਣਾਉਣ ਦੀ ਦੀਵਾਨਗੀ ਸੀ ਕਿ ਸਾਹਮਣੇ ਤੁਰਿਆ ਫਿਰਦਾ ਜਹਾਨ ਮਹਿਦੂਦ ਲੱਗਣ ਲੱਗਿਆ...

ਨਿੱਕੀਆਂ ਉਮਰਾਂ ਤੇ ਆਸੇ ਪਾਸੇ ਦੇ ਚੀਕ ਚਿਹਾੜ ਨੇ ਬਚਪਨ ਨੂੰ ਖਲੋ ਕੇ ਮਨ ਭਰ ਕੇ ਜਿਉਣ ਦਾ ਵਕਤ ਨਾ ਦਿੱਤਾ.

ਡਰ ਤੇ ਸੌੜੇ ਰਾਹਵਾਂ ਵਿੱਚ ਸਹਿਮੀਆਂ ਖ਼ਨਕ ਰਾਤਾਂ ਵਿੱਚ ਲਾਲ ਸੁਰਖ਼ ਕੱਚੇ ਰਾਹਵਾਂ ਤੇ ਕਾਹਲੇ ਕਦਮ.

ਕੁਵੇਲੇ ਦੀ ਦਸ਼ਤ ਵਿੱਚ ਸੁਫ਼ਨਿਆਂ ਦੀ ਗੁੰਮਗਸ਼ਤਾ ਤਿਲਿਸ੍ਮ ਦਾਸਤਾਂ ਨੂੰ ਰੋਜ ਮਿਲਣਾ.

ਓਹਤੋਂ ਪੁੱਛਣਾ ਓਹਦਾ ਨਾਮ ਤਾਂ  ਓਹਨੇ ਨਵੇਂ ਚਿਹਰੇ ਤੇ ਨਵੇਂ ਨਾਮ ਨਾਲ

 ਨਸ਼ਰ ਨੂੰ ਮੇਰੇ ਕੰਨਾਂ ਵਿੱਚ ਸੁਣਾਉਣਾ.

ਜਿੰਨਾ ਪਿੱਪਲਾਂ ਤੇ ਅੰਬੀਆ ਦੇ ਲਾਗੇ ਸਾਡਾ ਮੇਲ ਹੋਣਾ.

ਓਹਨਾਂ ਰਾਹਵਾਂ ਤੇ ਮੈਂ ਕਿਵੇਂ ਪਹੁੰਚਣਾ ਤੇ ਵਾਪਸ ਆਉਣਾ. ਇਸ ਨੂੰ ਕੁਦਰਤ ਦਾ ਦਾਨਿਸ਼ ਹੀ ਮੰਨਿਆ.

ਓਹਦੇ ਹਰ ਚੇਹਰੇ ਨੂੰ ਮੈਂ ਚੇਤੇ ਵਿੱਚ ਰੱਖਿਆ.

ਜ਼ਰਦ ਹੱਥ ਇੱਕਲੌਤੀ ਪਹਿਚਾਣ.

ਅੱਜ ਮੈਨੂੰ ਹਰ ਚਿਹਰਾ ਜਦੋਂ ਕੋਈ ਆ ਟੱਕਰਦਾ ਐ ਤਾਂ ਮੈਂ ਗਹੁ ਨਾਲ ਦੇਖਦਾ.

ਦੱਸਣ ਤੇ ਪੁੱਛਣ ਦੀ ਖੌਰੇ ਹਿੰਮਤ ਤੇ ਵਿੰਗ ਵੱਲ ਨਹੀਂ ਆਉਂਦੇ ਕਿ ਕਹਿ ਸਕਾਂ ਕਿ ਨਾਆਸ਼ਰਾ ਜੀ ਆਪਾਂ ਦੁਬਾਰਾ ਮਿਲ ਰਹੇ ਆਂ.

ਮਿਲਣ ਤੇ ਵਿਛੜਣ ਦੀ ਕਮੀਂ ਬੇਸ਼ੀ ਨੂੰ ਕਦੇ ਨਾ ਮਾਪਿਆ ਨਾ ਮੇਚਿਆ.

ਲੋਕਾਂ ਦਾ ਮੇਹਣਾ ਐ ਕਿ ਮੈਨੂੰ ਕਿਸੇ ਸ਼ਫ਼ਾ ਦੀ ਲੋੜ ਐ.

ਤਵੀਤਾਂ ਮੋਤੀਆਂ ਮਾਲਾਂ ਫੇਰਨ ਵਾਲਿਆ ਦੀਆਂ ਨੁਕਤਾਚੀਂ ਨੇ ਕਿਸੇ ਨਫ਼ਸ ਬਾਚੀਜ਼ਾ ਕਹਿ ਕੇ ਆਈ ਚਲਾਈ ਕਰ,  ਹਵਾ ਵਿੱਚ ਦੇ ਮਾਰੀ.

ਮੇਰੀਆਂ ਨੀਂਦਰਾਂ ਤੇ ਜਿੰਦਰੇ ਦਾ ਹੱਲ ਫੇਰ ਕੇ ਕੋਈ ਪਾਸਬਾਂ ਸਰਹਾਂਦੀ ਜੜ੍ਹ ਛੱਡਿਆ.

ਮੁਲਾਕਾਤਾਂ ਨੂੰ ਖੌਰੇ ਜ਼ੰਗ ਲੱਗਿਆ.

 ਮਜ਼ਾਜ ਪੁੱਛਣੋ ਵੀ ਖੁਣ ਗਏ.

ਫ਼ਸਾਨਾ ਸਮਝ ਕੇ ਏਸ ਫ਼ਿਦਾਈ ਨੂੰ  ਤੇ ਸਫਿਆਂ ਤੇ ਖ਼ਾਕ ਰਾਖ਼ ਨੂੰ ਮਲ ਕੇ ਥੋੜਾ ਬਹੁਤਾ ਕਰਾਰ ਮਿਲਦਾ.

ਨਾ ਸਰਾਬ ਨਾ ਸ਼ਰਾਬ ਤੇ ਨਾ ਹੀ ਸ਼ਬਾਬ.

ਸਬਰ ਨੂੰ ਤੇਰੇ ਨਾਲ ਮਿਲਾਇਆ.

ਇੱਕ ਤੱਕਣੀ ਸੀ ਇੱਕ ਝਾਕਾ ਸੀ 

ਸੰਗਾ ਸ਼ਰਮਾ ਇੱਕ ਪਾਸੇ ਰਹੀਆਂ.

ਨਾ ਕੋਈ ਪਹਿਚਾਣ

ਨਾ ਕੋਈ ਤੇਰੀ ਛੋਹ ਹੈ। 

ਸਿਰਫ਼ ਇਲਿਤਫਾਤ ਹੀ ਇਕਲੌਤੀ ਸਾਂਝ.

ਤੂੰ ਬੋਲਦੀ ਰਹੇ ਤੇ ਮੈਂ ਕਾਤਿਬ ਬਣਿਆ ਬੱਸ ਸੁਣਦਾ ਰਹਾਂ.

ਨਾ ਇਹ ਗੀਤ ਮੁੱਕਣ 

ਨਾ ਇਹ ਰਾਤ ਮੁੱਕੇ

ਨਾ ਇਹ ਮੁਲਾਕਾਤ ਮੁੱਕੇ.

ਮੈ ਸਾਰੀ ਗੱਲ ਬਖ਼ਤ ਤੇ ਰੱਖੀ.

ਹੀਲੇ ਤੇ ਵਸੀਲਿਆਂ ਲਈ ਖ਼ਾਰ ਕੱਢਣ ਲਈ ਵਕਫਾਂ.

ਫ਼ਾਨੀ ਸੰਸਾਰ ਤੋਂ ਓਹਲੇ.

ਦਿਲ ਨਿਹਾਦ ਨੂੰ ਅਕੀਦਤ ਬਿਆਨੀ.

੬ ਅਪ੍ਰੈਲ ੨੦੨੩

੩:੩੩

੬/੩/੬੨/੪੦

ਅਸਮਾਨ

ਹੁੰਦਿਆਂ ਹੀ ਪਤਾ ਨਹੀਂ ਕਿਓਂ 

ਉਂਗਲ਼ਾਂ ਝਾਕਣ ਲੱਗਦੀਆ ਨੇ

ਅਸਮਾਨ

ਸ਼ਾਇਦ ਖੌਰੇ ਝਾਕਣ ਲਗ਼ਦੀਆਂ ਹੋਣ ਮੇਰੇ ਵਾਂਗ.

ਤੈਨੂੰ ਤੇਰੇ ਕੰਮ ਦੀਆਂ ਵਧਾਈਆਂ

ਤੇਰੇ ਲਈ ਦੁਆਵਾਂ ਕਰ ਸਕਦੇ ਹਾਂ

ਆਖੇ ਤਾਂ ਤੇਰੀ ਗੁਲਾਮੀ ਵੀ ਕਰ ਸਕਦੇ ਹਾਂ ਪਰ ਸਿਰਫ ਤੇਰੀ ਹੋਰ ਕਿਸੇ ਦੀ ਨਹੀਂ

ਸਾਥੋਂ ਓਹਲਾ ਰੱਖ ਕੇ ਕਿੰਨੇ

ਤਾਰੇ ਚੜ੍ਹੇ ਤੇਰੇ ਆਸਮਾਨ

ਇੰਨਾ ਗੱਲਾਂ ਦਾ ਹਿਸਾਬ ਨਹੀਂ ਪੁੱਛਣਾ.....

ਤੂੰ ਜਿੰਨਾ ਦੀ ਭੂਆ ਬਣੀ 

ਓਹਨਾ 10 ਵਰਿਆਂ ਵਿੱਚ ਪੁੱਛ ਮੈਂ

ਕੀ ਕੀ ਕੀਤਾ ਦੱਸ......

ਤੇਰੀਆਂ ਰਾਤਾਂ ਦੀਆਂ ਚੁਗ਼ਲੀਆਂ ਨੂੰ 

ਭਰੀ ਚੁੱਪ ਵਿੱਚ ਕਿੰਨੀ ਵਾਰੀ ਯਾਦ ਕੀਤਾ....

ਥੋੜੇ ਸਾਲ ਓਹਲੇ ਰਹੇ ਇਹ ਸਾਰੇ 

ਖਿਆਲ ਤੇ ਤੇਰੇ ਨਾਂ ਦੇ ਪਾਸਵਰਡ

ਹੁਣ ਓਹਨਾ ਤੋਂ ਖਹਿੜਾ ਭਰਿਆ ਹੀ ਸੀ

ਕਿ ਫੇਰ ਉਸੇ ਗੋਲ ਕਤਾਰੇ ਦੇ ਆਸੇ ਪਾਸੇ ਅੱਜ

ਫੇਰ ਤੇਰੇ ਵਰਗੇ ਚੇਹਰੇ ਤੇ ਮੇਰੇ ਵਰਗੇ ਡਰੇ ਸਹਿਮੇ ਮੁੰਡਿਆ ਨੂੰ ਵੇਖਦਾ ਤਾਂ

ਹਾਸਾ ਆਉਂਦਾ ਹੈਂ ਤੇ ਹਮਦਰਦੀ ਜਤਾਉਣ ਨੂੰ ਵੀ ਜੀਅ ਕਰਦਾ

ਫੇਰ ਮੈਂ ਰੁੱਕ ਜਾਣਾ 

ਮੈਂ ਕਿਹੜਾ ਸਿਕੰਦਰ ਹਾਂ

ਮੈਂ ਤਾਂ ਕੀ ਆਖਾਂ

ਮੈਂ ਕੀ ਰਿਹਾ.....

ਰਾਂਝੇ ਮਿਰਜੇ ਆਲੀ ਗੱਲ ਨਹੀਂ ਕਰਦਾ 

ਪਰ ਤੇਰੇ ਵਰਗੀ ਕੋਈ ਨਹੀਂ ਟੱਕਰੀ

ਜਿਹਨੂੰ ਮੈਂ ਅੱਖਾਂ ਚੁੱਕ ਕੇ ਵੇਖ ਵੀ ਸਕਦਾ.

ਪਤਾ ਨਹੀਂ ਲੋਕਾ ਨੇ ਇਸ਼ਕ ਤੇ ਕਿੰਨੀਆਂ ਪੀਐੱਚਡੀਆਂ ਕੀਤੀਆਂ 

ਪਰ ਭੇਡਾਂ ਦੇ ਜੰਗਲ ਤੋ ਬਾਹਰ ਕਿਸੇ ਕੰਢੇ ਤੇ ਮਿਲੀਏ

ਜਿੱਥੇ ਇੱਕ ਪਾਸੇ ਵਗਦਾ ਪਾਣੀ ਹੋਵੇ

ਜਿੱਥੇ ਡੁੱਬਣਾ ਤੇ ਤੈਰਨਾ ਇੱਕ ਹੋਵੇ 

ਜਿੱਥੇ ਖੜ੍ਹਨਾ ਤੇ ਮੁੜਨਾ ਇੱਕ ਹੋਵੇ 

 

ਨਹੀਂ ਕੋਈ ਬੁਝਾਰਤ ਨਹੀਂ ਹੈਂ

ਆਵੇਂ ਤਾਂ ਰਾਹ ਤੇ ਮੰਜਿਲ ਇੱਕ ਹੋਵੇ.

ਮੈਂ - 

ਬਦਲਿਆ ਹੋਇਆ ਨਾਮ

Satluj Ghost

ਗੁੱਸਾ ਬਾਹਲਾ ਭੈੜਾ 

ਚੰਦਰਾ ਕਿਸੇ ਦੀ ਮਗਰੋਂ ਖੈਰ ਸੁੱਖ ਨਹੀਂ ਸੁਣਦਾ.

ਗੱਲਾਂ ਦੀ ਲੜੀ

ਬੁਝਾਰਤਾਂ ਦੀ ਝੜੀ

ਗਾਲੜੀਆ ਦੀ ਫਹੜੀ

ਲਾਉਣ ਨੂੰ ਮੈਂ ਵਕਤ ਦੀ ਉੱਕੀ ਬਰਬਾਦੀ ਸਮਝਦਾ.

ਪਰ ਜਦੋਂ ਗੱਲਾਂ ਤੇਰੀਆਂ ਤੇ ਮੇਰੀਆਂ ਹੋਣ ਓਦੋਂ ਸਭ ਚੀਜ਼ਾਂ ਪਿੱਛੋਂ ਆਉਂਦੀਆਂ.

ਤੇਰੇ ਨਾਲ ਜਾਂ ਦੂਰ ਬੈਠੇ ਵੀ ਤੇਰੀ ਸਾਰ ਪਤਾ ਕਰਨੀ ਔਖੀ ਹੈ.

ਪਿੱਠ ਤੇ ਥਾਪੀਆਂ ਦੇਣ ਵਾਲੇ ਦਿਲ ਦੇ ਕੋਹੜੇ ਛਾਤੀਆਂ ਮਿੰਨਣ ਲੱਗੇ ਨੇ.

ਮੇਰਾ ਜੀਅ ਤਾਂ ਕਰਦਾ ਪਰ ਦੁਨੀਆ ਦੀਆਂ ਅੱਖਾਂ ਅਤੇ ਮਾੜੀ ਸੋਚ ਨੂੰ ਕਿੱਥੇ ਜੜ੍ਹ ਕੇ ਖਤਮ ਕਰਾਂ.

ਖ਼ੈਰ ਸੱਲਾ ਆਖ ਕੇ ਨਿਕਲਦਾ.

ਰਾਹ ਲੰਬੇ ਨੇ ਸੁਪਨੇ ਵੱਡੇ ਨੇ.

ਦਿਨ ਥੋੜ੍ਹੇ ਤੇ ਰਾਹ ਸੋਹੜੇ ਨੇ

ਤੂੰ ਕਿਸੇ ਦੇ ਪੈਰਾਂ ਦੇ ਨਿਸ਼ਾਨ ਨਾ ਮਿਣੀ.

ਨਾ ਹੀ ਮੈਨੂੰ ਗਿਣੀ.

ਤੇਰੀਆਂ ਤੇ ਮੇਰੀਆਂ ਔਕੜਾਂ ਦਾ ਕੋਈ ਆਪਸੀ ਕੋਈ ਵਾਬਸਤਾ ਨਹੀਂ 

ਚਲ ਖ਼ੈਰ ਸੱਲਾ.

ਤੇਰੀ ਤੇ ਮੇਰੀ ਮਿਲਣੀ ਦੀ ਆਖਰੀ ਤਰੀਕ ਚੇਤੇ ਹੋਵੇ ਤਾਂ ਕਦੇ ਦੱਸੀ. 

Range Road 290

ਟਾਈਮ ਬਹੁਤ ਘੱਟ ਐ ਇਸ ਲਈ ਘੱਟ ਸ਼ਬਦਾਂ ਵਿੱਚ ਇੱਕ ਗੱਲ ਆਖਣੀ ਐ ਕਿ ਰੇਂਜ ਰੋਡ 290 ਸਿਨੇਮਾ ਘਰਾਂ ਵਿੱਚ ਜਾ ਕੇ ਜਰੂਰ ਦੇਖ ਆਉਣਾ.

ਪੰਜਾਬੀ ਸਿਨੇਮਾ ਦੀ ਇੱਕ ਨਵੀਂ wave 2023 ਦੇ ਚੜ੍ਹਦੇ ਹੀ ਇੱਕ ਉਮੀਦ ਬਣ ਕੇ ਆਈ ਹੈਂ. ਹੁਣ ਤੱਕ ਜਿੰਨੀਆ ਫ਼ਿਲਮਾਂ ਦੇਖੀਆਂ ਜਾਂ ਜਿੰਨਾ ਦਾ ਹਿੱਸਾ ਬਣਨ ਦਾ ਮੌਕਾ ਮਿਲਿਆ. ਓਹਨਾ ਫ਼ਿਲਮਾਂ ਨੂੰ Indi-Cinema ਦੇ ਵੱਖਰੇ ਡੱਬੇ magic box ਆਖ ਸਕੋਗੇ. ✨✨✨ 

ਕਾਮੇਡੀ ਤੇ ਹੋਰਰ ਦੇ ਵਿੱਚ ਅੰਤਰ ਓਦੋਂ ਖ਼ਤਮ ਹੁੰਦਾ ਹੈਂ ਜਦੋਂ ਉਸ ਵਿੱਚ ਬੈਕਗ੍ਰਾਉਂਡ ਸੰਗੀਤ ਆਉਂਦਾ ਹੈਂ.

ਰੇਂਜ ਰੋਡ ਫਿਲਮ ਨੂੰ ਵੇਖਣ ਤੋਂ ਬਾਅਦ ਲੱਗਿਆ ਕਿ ਇਹ ਫਿਲਮ ਸ਼ਾਇਦ ਸਿਨੇਮਾ ਘਰਾਂ ਦੇ ਵਿੱਚ ਦਰਸ਼ਕ ਨਾ ਖਿੱਚ ਭਾਵੇਂ. ਓਹਦੇ ਵਿੱਚ ਖਰਾਬੀ ਪੰਜਾਬੀ ਦਰਸ਼ਕਾਂ ਦੀ ਹੈਂ. ਫਿਲਮ ਵਿੱਚ ਜਿੱਥੇ ਓਹਨਾ ਨੂੰ ਪੰਜਾਬੀ ਗਾਇਕ ਬੁੱਕਦਾ ਨਹੀਂ ਦਿਖਦਾ. ਓਥੇ ਫੁੱਲਿਆ ਦੇ ਚੱਬਣ ਅਤੇ ਬੱਤੇ ਦੀਆਂ ਪਾਈਪਾਂ ਦੇ ਸੁੜਕਨ ਦੀ ਕਾਹਲ ਦਰਸ਼ਕਾਂ ਦੇ ਵਿੱਚ ਹੋਵਣ ਲੱਗਦੀ ਐ. ਇਹ ਵੇਖਿਆ ਤੇ ਪਰਤਾਇਆ ਤਜ਼ੁਰਬਾ ਐ.

ਰੰਗਮੰਚ ਵਾਂਗ ਸਿਨੇਮਾਘਰ ਵੀ Instagram Reels , Stand-up comedy shows ਤੇ ਅਵੱਲੇ ਦਰਜੇ ਦੇ ਗ੍ਰਸਤੀ ਮਸਲਿਆਂ ਤੇ ਬਣਨ ਵਾਲੇ content ਨਾਲ ਇਸ ਵਕਤ ਮੁਕਾਬਲਾ ਕਰ ਰਿਹਾ ਹੈਂ.

ਰੇਂਜ ਰੋਡ 290 ਦੀ ਕਹਾਣੀ ਨਿਰਦੇਸ਼ਨ ਅਤੇ ਐਡਿਟਿੰਗ ਸਤਿੰਦਰ ਕੱਸੋਆਣਾ ਬਾਈ ਜੀ ਦੀ ਹੈਂ. ਫਿਲਮ ਵੇਖਦੇ ਹੋਏ ਮੈਨੂੰ ਕਿਤੇ ਭਰ ਸਕਿੰਟ ਵੀ ਨਹੀਂ ਲੱਗਿਆ ਕਿ ਮੈਂ ਕੋਈ ਪੰਜਾਬੀ ਫਿਲਮ ਵੇਖ ਰਿਹਾ ਹੈਂ. ਆਉਣ ਵਾਲੇ ਸਾਲਾਂ ਮਹੀਨਿਆਂ ਵਿੱਚ ਬਹੁਤ ਸਾਰੀਆਂ ਫਿਲਮਾਂ Indi- filmmakers ਵੱਲੋਂ ਬਣ ਕੇ ਤਿਆਰ ਹਨ. 

ਜਿੱਥੇ ਪ੍ਰੋਡਿਊਸਰ ਵੀਰ ਫਿਲਮ ਵਿੱਚ ਕੋਈ ਨਾਮਵਰ ਚੇਹਰਾ ਨਹੀਂ ਦੇਖਦਾ ਓਦੋਂ ਤੱਕ ਚੈਕ ਦੀਆਂ ਝਾਲਰਾਂ ਨਹੀਂ ਬਣਦੀਆਂ.

Indi makers ਦੀ ਪਰਿਭਾਸ਼ਾ ਸਮਝਣਯੋਗ ਇੰਨੀ ਕੂ ਹੈਂ ਜਿਹੜੇ ਫਿਲਮ ਮੇਕਰ ਲਈ ਕਹਾਣੀ ਦਾ ਮੁੱਦਾ ਸਿਰਫ ਦਰਸ਼ਕਾਂ ਦੇ ਮਨੋਰੰਜਨ ਨਾਲੋਂ ਵੱਧ ਕਹਾਣੀ ਅਤੇ ਕਰਾਫਟ ਤੇ ਹੋਵੇ. ਹਾਲੀਵੁੱਡ ਜਾਂ NETFLIX ਵੀ ਇੱਕ ਨਸ਼ਾ ਇਸ ਕਰਕੇ ਐ ਕਿਉਕਿ ਓਹ ਫਿਲਮ ਮੇਕਰ  ਦਾ ਮੁੱਖ ਮੋਟਿਵ ਕਿਸੇ ਵੀ SCENE ਉੱਤੇ ਪ੍ਰੋਪਰ RESEARCH ਅਤੇ ਮੇਹਨਤ ਸਾਫ਼ ਝਲਕਦੀ ਐ.

Logic ਨੂੰ ਤੁਸੀ ਖੂੰਝੇ ਲਾ ਕੇ ਕਿੰਨੀ ਦੇਰ ਤੱਕ ਦਰਸ਼ਕਾਂ ਨੂੰ ਕੁਤ ਕੁਤਾਰੀਆ ਕੱਢਦੇ ਰਹੋਗੇ.

Congratulations - ਹਰਸ਼ਰਨ ਸਿੰਘ , ਅਮਨਿੰਦਰ ਸਿੰਘ , ਅਰਸ਼ਦੀਪ ਪੁਰਬਾ, ਸਤਿੰਦਰ ਕੱਸੋਆਣਾ ਅਤੇ ਬਾਕੀ ਟੀਮ ਨੂੰ.

ਇਹ ਕੋਈ ਫਿਲਮ ਸਮੀਖਿਆ ਨਹੀਂ ਪਰ ਫਿਰ ਵੀ ਸਿਨੇਮਾਂ ਘਰ ਤੋਂ ਨਿਕਲਦੇ ਹੋਏ ਸਤਿੰਦਰ ਬਾਈ ਦੇ ਇਸ Effort ਨੂੰ ਹੱਲਾਸ਼ੇਰੀ ਤੇ ਦੁਆਵਾਂ. ਭਵਿੱਖ ਵਿੱਚ ਕਿਤੇ Collaboration ਦੀ ਆਸ ਨਾਲ ਆਪਣੀ ਇੱਕ ਰਾਇ.

ਸਾਨੂੰ ਇੱਕ ਸਿਨੇਮਾ ਦੀ ਸ਼ੁੱਧ ਰੂਪ ਵਿੱਚ ਪਰਿਭਾਸ਼ਾਵਾਂ ਪੇਸ਼ ਕਰਨ ਵਿੱਚ ਮੌਜੂਦ ਸੀਮਾਵਾਂ ਤੋਂ ਸੁਚੇਤ ਰਹਿਣਾ ਚਾਹੀਦਾ ਹੈ ਜੋ ਹੁਣ ਹਾਵੀ ਨਹੀਂ ਹੈ, ਅਤੇ ਸਮਕਾਲੀ ਫਿਲਮ ਨਿਰਮਾਣ ਪ੍ਰਕਿਰਿਆਵਾਂ ਦੇ ਤੌਰ ਅਤੇ ਤਰੀਕਿਆਂ ਤੋਂ ਹੁਣ ਬੱਚੇ ਵੀ ਜਾਣੂ ਹਨ ਜੋ ਕਿ indi Cinema ਇੱਕ ਨਵੀਂ ਸਵੀਕਾਰਨਯੋਗ ਸ਼ੈਲੀ ਅਤੇ ਉਪਕਰਣ ਦੋਵੇਂ ਹਨ. Bollywood ਵਿੱਚ ਕਸ਼ਯਪ ਜਾਂ ਇਮਤਿਆਜ਼ ਸਰ ਦਾ ਸਿਨੇਮਾ ਸਭ ਤੋਂ ਨੇੜੇ ਦੀਆਂ ਉਦਾਹਰਣ ਹਨ. ਪੰਜਾਬੀ ਸੰਗੀਤ ਤੋ ਰੇਂਜ ਰੋਡ 290 ਖਾਲੀ ਨਹੀਂ ਲੱਗਦੀ ਕਿਉਕਿ music ਅਤੇ intensity of situation ਨੂੰ ਸਿਰਫ ਸ਼ਬਦਾਂ ਤੇ ਫਾਲਤੂ ਦੀ ਗੂੰ ਗਾਂ ਤੇ ਟਾਂ ਟੋਂ ਟਨ ਤੋਂ ਮੁਕਤ ਰੱਖ ਕੇ ਵੀ Cinema ਦਾ ਮੈਜਿਕ ਹਾਲੀਵੁੱਡ ਤੋਂ ਮੰਗਵਾ ਹੈ ਪਰ ਫਿਰ ਵੀ ਸੁਕੂਨ ਹੈਂ. ਕੈਨੇਡਾ ਦੇ ਦੂਜਾ ਪੰਜਾਬ ਬਣਨ ਤੋਂ ਬਾਅਦ ਪੰਜਾਬੀ ਫਿਲਮ ਦੇ ਹੋਏ ਕਿਸੇ ਵੀ ਵਿਕਾਸ ਨੂੰ ਮੰਨੇ ਬਿਨਾਂ ਸਮਕਾਲੀ ਬਾਲੀਵੁਡ ਸਿਨੇਮਾ ਨੂੰ ਸੰਕਲਪਿਤ ਕਰਨ ਦੀ ਅਯੋਗਤਾ 'ਤੇ ਵਿਚਾਰ ਵੀ ਜਰੂਰ ਕਰੀਏ। 

ਮੈਂ.

Pankaj saharama

ਹਮਸਫ਼ਰ

ਮਰ ਵੀ ਨਹੀਂ ਸਕਦੇ ਤੇ 

ਜੀਅ ਵੀ ਨਹੀਂ ਸਕਦੇ 

ਪੈਸੇ ਦੀਆਂ ਵੇਲਾਂ ਨਾਲ 

ਦੋ ਧਾੜਾ ਨੂੰ ਸੀਅ ਵੀ ਨਹੀਂ ਸਕਦੇ 

ਤੇਰੇ ਕੋਲ ਨਾ ਰਹਿਣੇ ਆ

ਤੇਰੇ ਅੰਦਰ ਮਿਲ ਸਕਦੇ ਹਾਂ

ਅਸੀਂ ਪਾਣੀਆਂ ਵਰਗੇ ਆ

ਪੱਥਰਾਂ ਵਿਚ ਖਿਲ ਵੀ ਸਕਦੇ ਆ

ਤੈਨੂੰ ਅਸੀਂ ਜੀਅ ਵੀ ਸਕਦੇ ਹਾਂ

ਤੈਨੂੰ ਅਸੀਂ ਪੀਅ ਵੀ ਸਕਦੇ ਹਾਂ

ਅੱਖਾਂ ਤੇ ਐ ਜਾਲਾਂ 

ਧੂਏਂ ਦੀਆਂ ਮਸ਼ਾਲਾਂ 

ਬੰਦ ਅੱਖਾਂ

ਮੋਕਸ਼ ਦੀਆਂ ਮਾਲਾਂ

ਰਾਤ ਚਾਨਣੀ ਨੀਲੀਆਂ ਛਾਵਾਂ 

ਬਰਫ਼ ਦੀਆਂ ਵਾਡੀਆ ਸ਼ਹਿਰ ਸ਼ਿਵਾਲਾਂ

ਲੋਕਾ ਨੂੰ ਸੁਣਾਵਾਂ 

ਗੱਲਾਂ ਤੇ ਕਿੱਸੇ

ਅੱਖਾਂ ਵਿੱਚੋ ਰਿੱਸੇ

ਸਾਰੀ ਰਾਤ ਦੀਆਂ ਉਲਝਣਾਂ

ਧੂਏਂ ਦੀਆਂ ਚਿਲਮਣਾ

Discoursiya Part -1

ਸਮਾਜ ਦੇ ਕੁਝ ਇਹੋ ਜਿਹੇ ਰਵਾਈਐ ਹੁੰਦੇ ਐ ਜਿੰਨਾ ਮਸਲਿਆਂ ਤੇ ਬੁਨਿਆਦੀ ਤੌਰ ਤੇ ਅਸੀਂ ਕੋਈ ਨਾ ਕੋਈ ਰਾਇ ਰੱਖਦੇ ਹਾਂ. ਫਿਲਮਾਂ, ਰਾਜਨੀਤੀ , bed-talks ਜਾਂ ਨੁੱਕੜ ਤੇ ਖੜਿਆ ਦੀ ਕੋਈ ਵੀ ਗੁਫ਼ਤੁਗੂ.

ਮੈਂ ਜਦੋਂ ਵੀ ਆਪਣੇ ਕਿਸੇ ਗਰੁਪ ਦੇ ਵਿੱਚ ਜਦੋਂ ਜਾ ਕੇ ਜੁੜਦਾ ਹਾਂ ਤੇ ਸ਼ੁਰੂਆਤ ਤੰਜ਼ ਤੋ ਹੁੰਦੀ ਹੈਂ ਮੇਰੇ ਹਰ ਕਰੀਬੀ ਦਾ ਅਪਣਾ ਤਰੀਕਾ ਹੈ ਗੱਲ ਨੂੰ ਤੋਰਨ ਦਾ. 

ਹਰ ਇੱਕ ਦੀ ਰਾਇ ਅਤੇ ਤਜ਼ੁਰਬਾ ਖ਼ਾਸ ਹੈਂ.

just observe and Sense of responsibility towards nature.

ਕੁੱਝ ਗੱਲਾਂ ਨਾ ਸੁਣਾਉਣ ਵਾਸਤੇ ਨਾ ਹੀ ਸਿਰਫ convey ਕਰਨ ਵਾਸਤੇ ਤੇ ਨਾ ਹੀ appeal ਕਰਨ ਲਈ. ਕਿਉਕਿ ਜਦੋਂ ਅਸੀਂ ਕਿਸੇ ਨੂੰ ਕੁਝ ਦੱਸ ਰਹੇ ਹੁੰਦੇ ਹਾਂ ਤਾਂ ਖੁਦ ਨੂੰ ਵੀ ਹੋਰ ਜਾਣਕਾਰੀ ਦੇ ਰਹੇ ਹੁੰਦੇ ਹਾਂ.

ਸਮਾਜ ਵਿੱਚ ਮਰਦਾਨਗੀ ਇੱਕ compition ਹੈਂ.

When you with bunch of tough guys tough guys masculinity ਦੱਸਣੀ ਨਹੀਂ ਦਿਖਾਣੀ ਹੁੰਦੀ ਹੈਂ.

Maula Jatt ਆਦਮੀ ਹੁੰਦਾ ਹੈਂ ਜੌ ਕਿ ਇੱਕ ਅੱਜ ਦਾ ਨਹੀਂ ਪੁਰਾਣਾ Gender Biological aspect ਹੈਂ. upbringing ਇਕ conditioning ਹੈਂ.

ਇਹ ਲੜਕਾ ਓਹ ਲੜਕੀ , Male-female ਦੇ ਝੰਜਟ ਤੋਂ ਪਹਿਲਾ ਇਨਸਾਨ ਹੋਣਾ ਹੈਂ. ਜਿੰਨਾ ਅੰਦਰ ਸਿਰਫ emotion ਦਾ ਬੈਂਕ ਹੈਂ. emotions ਉੱਤੇ ਜਦੋਂ barrier ਦਿਖਦਾ ਹੈਂ ਤਾਂ ਹਲਕੀ ਆਂਚ ਲੱਗਣ ਤੇ 10 ਦਰਵਾਜਿਆਂ ਦੇ ਪਿੱਛੇ ਬਣੀ blockage ਸੈਲਾਬ ਬਣ ਕੇ ਨਿਕਲਦੀ ਹੈਂ. 

"ਕਿੱਸੋਂ ਮੇਂ ਹਮੇਂ ਯੇ ਮਿਲੇ ਹੈਂ ਗਮ, ਅਬ ਇਸ ਗਮ ਕੋ ਨਯਾ ਕਯਾ ਲਿਖਣਾ.

everyone has a different body type.

talent is secondary. Human bond is primarily.

ਜਿੱਥੇ ਹੋਵਾਂ ਪੁੱਛਿਆ ਜਾਂਦਾ ਹੈਂ - ਤਜ਼ੁਰਬਾ ਵੱਡਾ ਹੈ ਜਾਂ ਅਹਿਸਾਸ.

women's are complex creature. who have emotional and sensual needs. Women can be anything. the feeling of loneliness is just as existent in their lives.

at the end just finishs to write down here for her - all about mystery and magical realism.

ਮੈਂ ਕਾਗਜ਼ਾਂ ਤੇ ਵੀ ਬੂਰਾ ਲਿਖਦਾ ਹਾਂ ਤੇ ਲੈਪਟਾਪ ਸਕ੍ਰੀਨ ਤੇ.

ਕਿਸੇ ਬਾਰੇ ਚੰਗਾ ਲਿਖ ਸਕਾ. ਜਿਸਨੂੰ ਪੜ੍ਹ ਕੇ ਇਸ ਜਹਾਨ ਵਿੱਚ ਕੁਝ ਸਹੀ ਹੋਵੇ. ਇਸ ਲਈ ਕੁਝ ਨਾ ਕੁਝ ਉਲੀਕਣ ਦੀ ਪਹਿਲੀ Hook.

#hollywoodwaala1

#dav

#CCD

#31122

ABOUT SHAHI MAJRA & MOH PUNJABI MOVIE 2022

ਜਿਵੇਂ ਕਿਸੇ ਲਈ ਮੀਂਹ ਲਈ ਦਾ ਵੱਖਰਾ ਮਤਲਬ ਹੈਂ. ਕੋਈ ਮੀਂਹ ਪੈਣ ਤੇ ਕਿਤੇ ਜਾਣ ਤੋਂ ਜਾਣੋ ਰਹਿ ਜਾਵੇ ਤੇ ਕਿਤੇ ਕੋਈ ਖੇਤਾਂ ਵਿੱਚ ਪੈਂਦੇ ਮੀਂਹ ਨੂੰ ਵੇਖ ਕੇ ਗ਼ਸ਼ ਗ਼ਸ਼ ਕਰੇ. ਇੱਕ ਤਸਵੀਰ ਜਾਂ ਪੇਂਟਿੰਗ ਦਾ ਹਰ ਇੱਕ ਲਈ ਵੱਖਰਾ ਵੱਖਰਾ ਮਤਲਬ ਹੈਂ.

"Nothing  Rests, Everything Moves, Everything Vibrates." 

Everything Constantly in motion nothing stays still. 

"Interpretation of Polarity differ between people."

Perceiving Polarity is subjective.

one person might perceive the enjoybility of "Moh" as boring and another person perceives it as exciting.

ਸੰਯੋਗ ਨਾਲ ਦੋ ਪੁਰਾਣੇ ਵਿਆਹੇ ਮਿੱਤਰ ਮਿਲ ਗਏ. ਓਹਨਾ ਦਾ ਇਰਾਦਾ "ਮੋਹ" ਵੇਖਣ ਦਾ ਸੀ. ਮੇਰਾ ਅਸੂਲ ਹੈਂ ਕਿ ਇੱਕ ਵਕਤ ਤੇ ਇੱਕ ਹੀ ਚੀਜ਼ ਵੇਖੀ ਜਾਂਦੀ ਹੈਂ ਜਾਂ ਕਹੋ ਇੱਕ ਹੀ taste ਹਜ਼ਮ ਹੁੰਦਾ. 

ਦੂਜੀ option chaupal webseries 

" ਸ਼ਾਹੀ ਮਾਜ਼ਰਾ "

ਦੋਵੇਂ ਇੱਕ ਦੂਜੇ ਤੋਂ ਵੱਖ ਹੈ. ਸ਼ਾਹੀਮਾਜ਼ਰਾ ਵਰਗੀ ਚੀਜ਼ ਇੱਕ ਦਹਾਕੇ ਤੋਂ ਮਨ ਵਿੱਚ ਵਹਿ ਰਹੀ ਸੀ ਇਸ ਕਰਕੇ ਬਹੁਤ ਲੋਕਾਂ ਨੇ ਮਸ਼ਵਰਾ ਦਿੱਤਾ ਕਿ ਉਹ ਵੀ ਵੇਖ ਲੈਣਾ. ਸ਼ਾਹੀਮਾਜ਼ਰੇ ਨੂੰ ਥੋੜਾ ਟਾਲਿਆ ਗਿਆ ਤੇ ਫਿਲਮ ਮੋਹ ਦੀ option ਨੂੰ ਉੱਤੇ ਰੱਖ ਕੇ ਸਿਲਮੇ ਦੀ ਸੀਟਾਂ ਤੇ ਜਾ ਟਿੱਕੇ.

ਗਿਤਾਜ਼ ਬਿੰਦਰਅੱਖੀਆ ਬਾਈ ਨੂੰ ਬਹੁਤ ਬਹੁਤ ਮੁਬਾਰਕਾਂ. ਕੁਝ ਕਿਰਦਾਰਾਂ ਵਿੱਚ ਕੁਝ ਐਕਟਰ ਬੜੇ ਸੋਖਿਆ ਹੀ ਫਿੱਟ ਹੋ ਜਾਂਦੇ ਐ. ਇਹਨੂੰ ਕੁਦਰਤੀ ਵੀ ਸਮਝਿਆ ਜਾ ਸਕਦਾ ਹੈਂ. ਜਗਦੀਪ ਸਿੱਧੂ ਬਾਈ ਬਿਨਾ ਸ਼ੱਕ ਦੇ ਇਸ Genre ਵਿੱਚ ਨਿਪੁੰਨਤਾ ਹਾਸਲ ਕਰ ਚੁੱਕਿਆ. 

ਖ਼ਾਸ comment - ਮੋਹ ਫਿਲਮ ਅਗਰ ਅੱਜ ਤੋ 25 ਸਾਲ ਪਹਿਲਾਂ ਆਈ ਹੁੰਦੀ ਤਾਂ ਮਾਨ ਸਾਬ ਦੀ ਸ਼ਹੀਦ ਏ ਮੁਹੱਬਤ ਬੂਟਾ ਸਿੰਘ ਫਿਲਮ ਫਿੱਕੀ ਪੈ ਜਾਣੀ ਸੀ. 

ਹਿੰਦੀ ਵਿੱਚ ਬਣੀ ਹੁੰਦੀ ਤਾਂ ਦਿਲਵਾਲੇ ਦੁਲਹਨੀਆ ਜਿਵੇਂ ਕੋਸੀ ਲੱਗਣੀ ਸੀ.

ਅੱਜ ਤੱਕ ਮੈਂ ਪੰਜਾਬੀ ਫ਼ਿਲਮਾਂ ਵਿਚ ਸਭ ਤੋਂ ਅਜੀਬੋ ਗਰੀਬ NARRATIVE ਹਸ਼ਰ ਫਿਲਮ ਨੂੰ ਮੰਨਦਾ ਸੀ. ਮੋਹ ਨੂੰ ਵੇਖਣ ਤੋਂ ਬਾਅਦ ਮੈਨੂੰ ਲੱਗਦਾ ਕਿ narrative ਪੱਖੋ ਮੋਹ ਉਸਨੂੰ ਬਹੁਤ ਪਿਸ਼ੇ ਛਡ ਆਉਂਦੀ ਹੈਂ.

ਗੀਤਾਜ਼ ਬਾਈ ਅਤੇ ਸਰਗੁਣ ਦੀਦੀ ਨੂੰ ਬਹੁਤ ਪਿਆਰ ਓਹਨਾ ਦੀ ਅਦਾਕਾਰੀ ਬਹੁਤ ਪਿਆਰੀ ਹੈਂ. ਜਗਦੀਪ ਬਾਈ ਨੂੰ ਰੰਗਾ ਦੀ ਪੂਰੀ ਜਾਣਕਾਰੀ ਹੈ. ਜਿਸ ਕਰਕੇ 2 ਘੰਟੇ ਫਿਲਮ ਦੇ ਗੱਦੇ ਅਤੇ ਏ ਸੀ ਦੀ ਠੰਡੀ ਹਵਾ ਸਹੀ ਜਾ ਸਕਦੀ ਹੈ. ਫਿਲਮ ਨੂੰ ਸਹਿਣਾ ਥੋੜ੍ਹੇ ਵੱਡੇ ਜਿਗਰੇ ਆਲਾ ਕੰਮ ਸੀ.

ਪ੍ਰੇਮ ਸਿੱਧੂ ਬਾਈ ਦੀ ਚੋਪਾਲ ਤੇ ਆਈ ਫਿਲਮ ਨੂੰ ਲੈਂ ਕੇ ਬਹੁਤ ਬਹੁਤ ਬਹੁਤ ਮੁਬਾਰਕਾਂ.

ਪੰਜਾਬੀ ਸਿਨੇਮੇ ਵਿੱਚ ਬੜੇ ਸਾਲਾਂ ਤੋਂ ਇਹ ਫਿਲਮ ਦੀ ਬਹੁਤ ਵੱਡੀ ਕਮੀ ਸੀ. ਪ੍ਰੇਮ ਬਾਈ ਸੱਚੀ ਇਹ ਫਿਲਮ ਤੋ ਬਾਅਦ ਇੱਕ ਦਿਲੋ respect ਆਈ ਹੈਂ.

ਫਿਲਮ ਦੇ ਆਰਟ work ਲਈ ਖ਼ਾਸ ਮੁਬਾਰਕਾਂ.  

ਸ਼ਾਇਦ ਅੱਜ ਕੱਲ ਦੀਆਂ ਨਹੀਂ ਪੁਰਾਣੀਆਂ 20 ਸਾਲ ਦੀ ਆਈਆਂ ਲੰਘੀਆਂ ਜਵਾਨੀਆਂ ਇਸਨੂੰ ਫਿਲਮ ਦੇ ਭੁਲੇਖੇ ਨਾਲ ਓਹ ਸਾਰੀਆਂ ਕੁੜੀਆਂ ਆਪਣੀ ਕਿਸੇ ਨਾ ਕਿਸੇ ਅਗਮ ਨੂੰ ਜਰੂਰ ਯਾਦ ਕਰਨਗੀਆ.

ਫਿਲਮ ਦਾ BGM ਹੋਵੇ, ਸਵਾਂਦ ਹੋਵੇ. ਰੂਹ ਨਾਲ ਬਣਾਇਆ ਅਤੇ ਸੱਚਾ ਪ੍ਰਤੀਤ ਲੱਗਦਾ ਹੈ.

ਇੱਕ ਵਾਰ ਚੌਪਾਲ ਤੇ ਪਈ ਇਸ ਸੀਰੀਜ਼ ਨੂੰ ਜਰੂਰ ਸ਼ੁਰੂ ਕਰ ਲੈਣਾ. ਕਹਾਣੀ ਸੱਚੀ ਜਿਹੀ ਲੱਗਦੀ ਹੈ ਇਸ ਕਰਕੇ ਸੀਰੀਜ਼ ਖਤਮ ਹੋਣ ਤੋਂ ਬਾਅਦ ਵੀ ਲੱਗਦਾ ਹੈ ਹਾਲੇ ਵੀ ਤੁਸੀ ਹਾਲੇ ਵੀ ਓਹਦੇ ਵਿੱਚ ਤੈਰ ਰਹੇ ਹੋ.

ਬਾਕੀ ਤੁਸੀ ਆਪ ਸਿਆਣੇ ਹੋ. ਇਹ ਸਿਰਫ ਫਿਲਮ ਅਤੇ ਸੀਰੀਜ਼ ਵੇਖਣ ਦੇ ਬਾਅਦ ਦੇ ਸਿਰਫ ਕੁਝ ਵਿਚਾਰ ਸਾਂਝੇ ਕੀਤੇ ਗਏ ਹੈ. ਇਸਨੂੰ ਕੋਈ criticism ਨਾ ਸਮਝਿਆ ਜਾਏ.

 ਮੋਹ ਫਿਲਮ ਦਾ ਇੱਕ ਡਾਇਲਾਗ ਮੈਨੂੰ ਬਹੁਤ ਪਸੰਦ ਆਇਆ ਜੌ ਸ਼ੁਰੂ ਵਿਚ ਰੱਬੀ ਨੂੰ ਕਿਹਾ ਜਾਂਦਾ ਹੈ ਕਿ ਆਪਣੀ ਕਿਸੇ ਵੀ script ਨੂੰ 10-15 ਲੱਖ ਤੋਂ ਘੱਟ ਵਿੱਚ ਨਾ ਵੇਚੇ 🤭🤭🤭🤭🤭😛😛😛😛😛🥹🥹🥹🥹🥹

being Part of this world 10-15 ਲੱਖ ਤਾਂ ਦੂਰ ਦੀ ਗੱਲ. ਤੁਹਾਡਾ ਸਿਰਫ ਕ੍ਰੈਡਿਟ ਤੁਹਾਨੂੰ ਮਿਲ ਜਾਏ ਓਹੀ ਵਾਹ ਭਲਾ.

 ਬਾਕੀ ਟਾਟਾ ਟਾਟਾ 

 ਬਾਏ ਬਾਏ

"As above, so below, as below, so above"

@hollywoodwaala

BRAHMASTRA MOVIE FULL HD

VERY IMPORTANT TO EXPLAIN FIRST : this is not a review article of brahmaastra. I don't care how horrible it sounds, but i have volume.

"ਸਹੀ ਵਕਤ ਆਣੇ ਕੋ ਭੀ ਸਹੀ ਵਕਤ ਲੱਗਤਾ ਹੈ."

{ਲੰਬੂ (ਬੱਚਨ ਸਾਬ) ਰਣਬੀਰ ਕਪੂਰ ਉਰਫ (ਗੰਗਲੂ) ਨੂੰ}

ਫਿਲਮ ਵੇਖਣ ਲੱਗਿਆ ਮੇਰੇ ਤੋਂ ਅੱਗੇ ਆਲੀ ਸੀਟ ਤੇ 2-4 ਫੈਮਲੀਡ੍ਰਾਮਾ ਵਾਲਾ ਕੰਟੈਂਟ ਸਮਝ ਕੇ ਆਈਆਂ ਜਨਾਨੀਆਂ ਆਪਣੇ ਸ਼ੋਹਰਾ ਨੂੰ ਝਰੇੜਨ ਤਰੇੜਨ ਲੱਗੀਆਂ ਸੀ ਕਿ ਅਗਰ ਆਹੀ ਲਾਈਟ ਐਂਡ ਸਾਉਂਡ ਆਲਾ ਤਮਾਸ਼ਾ ਵੇਖਣ ਨੂੰ ਕਹਿੰਦੇ ਸੀ ਤਾਂ ਕਿਸੇ ਜਗਰਾਤੇ ਤੇ ਚੱਲ ਪੈਂਦੇ.

ਖਾਲੀ ਪਈਆਂ ਸੀਟਾਂ ਤੇ 4 ਨਿਆਣਿਆਂ ਨੇ ਰੱਜ ਕੇ ਪੂਰੇ ਹਾਲ ਵਿੱਚ 2 ਘੰਟੇ 45 ਮਿੰਟ ਗਿੱਧਾ ਪਾਇਆ.

ਖ਼ੈਰ ਜਿਹੜੀ ਕੌਮ ਦੇ ਸੂਰਮੇ ਸਟਾਰ ਵਾਰਜ਼ ਐਂਡ DC ਦਾ ਰੰਗ ਬਰੰਗੇ ਸਿਨਮੇ ਨੂੰ ਵੇਖ ਕੇ ਬੜੇ ਹੋਏ ਹੋਵਣ.

ਓਹ ਆਂਟੀਆ ਭਰਜਾਈਆਂ ਅੰਕਲ ਸ਼ੰਕਲ ਨੂੰ ਕੀ ਸਮਝਣਗੇ ?  BRAHMASTRA ਦੇ ਰਿਲੀਜ਼ ਹੋਣ ਦੀ ਫੀਲਿੰਗ ਨੂੰ.

ਸਟੋਰੀ ਸਕ੍ਰੀਪਲੇ ਡਾਇਰੈਕਸ਼ਨ VFX ਤੇ ਕਲਾਈਮੈਕਸ ਢੂਆ ਮਰਾਵੇ ਖੜ੍ਹਾ ਹੋ ਕੇ. ਅਗਲਿਆਂ ਨੂੰ 450 ਕਰੋੜ ਲਾਉਣ ਲੱਗਿਆ ਨੂੰ ਮਾਸਾ ਝੋਰਾ ਨਾ ਆਇਆ ਤਾਂ ਲੋਕ 270 ਦੀ ਟੀਟਕ ਲੈਂ ਕੇ ਕਿਉ ਝੋਰਾ ਲਾਉਣ ਲੱਗੇ ਹੋਏ ਆ. ਧਰਮਾ ਜੌਹਰ ਵਾਲੇ ਰੱਜ ਕੇ ਲੋਕਾਂ ਦਾ ਖਿੱਚਦੇ ਆਏ ਐ.

ਅੰਗਰੇਜਾਂ ਨੇ ਆਪਣੇ ਇਤਿਹਾਸ ਨੂੰ ਛੰਡ ਕੇ ਪੂਰਾ ਹਾਲੀਵੁੱਡ ਦਾ 30% ਜਨਤਾ ਮੂਹਰੇ VFX ਪਾ ਕੇ ਪਰੋਸਿਆ.

Pure Conviction opens the all closed doors.

ਸਾਡੇ ਮੁਲਕ ਕੋਲ ਸ਼ਾਹਰੁਖ ਖਾਨ ਵਰਗਾ ਹੋਰ ਸਟਾਰ ਨਹੀਂ ਹੈਂ.
ਹਿੰਦੁਸਤਾਨ ਦਾ ਸੱਚਾ ਤੇ TRUE ACTOR ਅਮਿਤਾਬ ਬੱਚਨ ਹੀ ਕਿਉ ਹੈਂ. ਫਿਲਮ ਵਿੱਚ ਕੱਢਣ ਪਾਉਣ ਨੂੰ ਕੁਝ ਨਹੀਂ ਹੈਂ.  ਪਰ ਕਹਾਣੀ ਨੂੰ ਸਹੀ ਓਹਲਾ ਸ਼ਾਹਰੁਖ ਆਪਣੀ ਇੱਕ ਜਾਨਦਾਰ entry ਨਾਲ ਫਿਲਮ ਦੇ ਪਹਿਲੇ 15 ਮਿੰਟ ਵਿੱਚ ਦੇ ਕੇ ਚਲਾ ਜਾਂਦਾ ਹੈ ਜਿਹੜਾ ਤੁਹਾਨੂੰ ਅਖੀਰ ਤੱਕ ਕੁਰਸੀ ਤੋਂ ਹਿੱਲਣ ਨਹੀਂ ਦਿੰਦੇ.

ਫਿਲਮ ਵਿੱਚ PACE ਹੈਂ.

ਪਰ 2 ਘੰਟੇ ਤੇ 45 ਮਿੰਟ ਤੱਕ ਬੱਸ ਧਰਮੇ ਹੋਰਾਂ ਵੱਲੋਂ ਐਸੇ ਗੱਲ ਤੇ ਜੋਰ ਫੜੀ ਰੱਖਿਆ ਕਿ ਕਿਸੇ ਤਰੀਕੇ ਨਾਲ ਇਹ ਫਿਲਮ ਆਲੀਆ ਤੇ ਰਾਣੇ ਨੂੰ ਮੁੱਖ ਰੱਖ ਕੇ ਬਣਾਈ ਗਈ. ਅਗਲੇ ਪਾਰਟ ਵਿੱਚ ਸਾਰੇ ਸੱਪ ਤੇ ਦੇਵ ਪੁਰਸ਼ ਬਾਹਰ ਕੱਢੇ ਜਾਣਗੇ.

ਆਲੀਆ ਮੌਜੂਦਾ ਦੌਰ ਦੀ ਬਿਨਾ ਸ਼ੱਕ ਦੇ ਬਾਲੀਵੁੱਡ ਦੀ ਚੰਗੀ ਅਦਾਕਾਰ ਹੈ.

ਪਹਿਲਾ ਡੂੜ ਘੰਟਾ ਵੇਖ ਕੇ ਲੱਗਿਆ ਕਿ ਫਿਲਮ 6 ਬੰਦਿਆ ਤੇ ਆਲੀਆ ਰਾਣੇ ਦੀ ਆਪਸੀ ਲਿੱਪਾ ਜੋਪੀ ਦੀ ਕਹਾਣੀ ਹੈਂ.

ਲੇਖਕਾਂ ਦੀ ਟੀਮ Indian mythology ਦੀ ਤਹਿ ਵੱਲ ਕੱਚੇ ਹੱਥ ਹੀ ਮੁੜ ਆਏ ਅਤੇ VFX ਵਾਲੇ ਵੱਲ ਵਲਾਵੇਂ ਤੋ ਹੱਟ ਕੇ ਕੰਟੈਂਟ ਤੇ ਏਡੇ ਵੱਡੇ ਮਹਾਨਕੋਸ਼ ਨੂੰ ਵਖਾਉਣ ਤੇ ਥੋੜਾ ਸੰਜੀਦਗੀ ਨਾਲ ਕੰਮ ਕਰਦੇ ਤਾਂ WORLD ਸਿਨਮੇ ਨੂੰ ਇੱਕ ਫਿਲਮ ਨਾਲ ਹੀ ਗੱਜ ਕੇ OSCAR ਦੀ ਦੌੜ ਵਿੱਚ ਲੱਗਿਆ ਜਾ ਸਕਦਾ ਸੀ ਪਰ ਸਾਡੇ ਮੁਲਕ ਆਲੇ ਧਾਰਮਿਕ ਸੈਨਾਪਤੀਆਂ ਤੋ ਡਰਦੇ ਜਿਆਦਾ ਖੁੱਲ ਨਹੀਂ ਲੈਂ ਪਾਉਂਦੇ.

brahmaastra ਨਾਲ ਬਾਲੀਵੁੱਡ ਦੇ ਧਰਮਾ ਪ੍ਰੋਡਕਸ਼ਨ ਨੂੰ ਇੱਕ ਨਵੀ ਰੋਜ਼ਗਾਰ ਸਕੀਮ ਹੱਥ ਲੱਗੀ ਹੈ. ਐਤਕੀ ਸ਼ਾਰੁਖ ਵੀਰ ਜੀ ਆ ਗਏ. ਅਗਲੀ ਵਾਰ ਅਕਸ਼ੇ ਭਾਈ ਆਜੂ. ਗ਼ਹਾਂ ਨੂੰ ਰਣਵੀਰ ਦੀਪਿਕਾ ਆ ਜਾਣਗੇ. ਤੀਜੇ ਤੱਕ ਸ਼ਾਇਦ ਕਰੀਨਾ ਦੀਦੀ ਦਾ ਮੁੰਡਾ ਵੀ ਲਾਂਚ ਹੋਜੇ. ਬੰਬੇ ਆਲੇ ਕੁਸ਼ ਵੀ ਕਰ ਸਕਦੇ ਹੈਂ.

ਪੰਜਾਬੀ ਸਿਨੇਮਾ ਥੋੜੀ ਹੈ ਕਿ ਪ੍ਰੋਡਿਊਸਰ ਇੱਕ ਵਾਰ ਫਿਲਮ ਤੇ ਪੈਸੇ ਲਾ ਕੇ ਲੱਤਾ ਚੁੱਕ ਲਊ.

ਬ੍ਰਹਮਅਸਤਰ ਦੇ ਬਰਾਬਰ " ਯਾਰ ਮੇਰਾ ਤਿੱਤਲੀਆਂ ਵਰਗਾ" ਲੱਗੀ ਸੀ.

ਹਾਸੇ ਠੇਠੇ ਦੀ ਗੱਲ ਵੀ ਜਰੂਰੀ ਹੈਂ ਪਰ ਚੰਗਾ ਮਾੜਾ ਨਜ਼ਰੀਆ ਹੁੰਦਾ.
ਪੰਜਾਬੀ ਬੰਦੇ ਦੀ ਠਰਕ ਨੂੰ ਗਿੱਪੀ ਬਾਈ ਨੇ ਜਿਵੇਂ ਚਾਹੀਦਾ ਸੀ ਓਵੇਂ ਪੇਸ਼ ਕੀਤਾ. ਇਹੋ ਜਿਹਾ ਕਿਰਦਾਰ ਆਮ ਦਿਖਦਾ ਹੈ.

ਬੱਸ ਗਿੱਪੀ ਬਾਈ ਤੋ ਬੇਨਤੀ ਹੈ. ਮੋਹ ਮਾਇਆ ਦੇ ਲੋਭੀ ਨਾ ਹੋ ਕੇ ਤਿੱਤਲੀਆਂ ਦਾ ਦੂਜਾ ਭਾਗ ਨਾ ਬਣਾਇਓ. ਠਰਕੀਆਂ ਦੇ ਮੱਛਰ ਜਾਣ ਦਾ ਖ਼ਤਰਾ ਹੋ ਸਕਦਾ.

ਜਿਹੜੇ ਅੱਜ ਦੇ ਟਿਕਟੋਕੀਏ ਅਤੇ ਰੀਲਾਂ ਆਲੇ ਤੇ ਫਿਲਮ ਤੰਜ ਕਰਦੀ ਹੈਂ ਅਕਸਰ ਇਹ ਨਿਕਲੇ ਤਾਂ ਫੇਸਬੁੱਕ Orkut ਵਿੱਚੋਂ ਹੈ.

ਬਰਮਾਸਤਰ ਤੋ ਪਹਿਲਾ #BATCH2013 ਦਾ ਮਨ ਸੀ ਪਰ ਉਹ ਕੱਲ ਭਲਕੇ ਤੱਕ ਜਰੂਰ ਵੇਖਾਂਗੇ.

ਮੁਕਦੀ ਗੱਲ ਹੈ ਕਿ ਬ੍ਰਹਮਾਸਤਰ ਫਿਲਮ ਵੀ ਸੋਹਣੀ ਹੈਂ. ਹਦਾਇਤ ਹੈ ਕਿ 3D ਵਿੱਚ ਵੇਖੀ ਜਾਏ.
ਬਾਕੀ ਜਿਹੜੇ ਘੋੜੇ ਕਹਿੰਦੇ ਐ ਬਾਈਕਾਟ. ਓਹਨਾ ਨੂ ਸਿਰਫ ਸੁਣ ਲਓ. ਤੁਸੀ ਵੇਖੋ ਬ੍ਰਹਮਾਸਤਰ.

ਬਾਕੀ ਹੋਰ ਫ਼ਿਲਮਾਂ ਬਾਰੇ ਵੀ detail ਵਿੱਚ ਗੱਲ ਕੀਤੀ ਜਾਂਦੀ ਹੈਂ ਤੁਸੀ ਇਸ ਲਈ ਸਾਨੂੰ ਦੁਨੀਆ ਦੇ ਹਰ platform ਤੇ ਲੱਭੋਗੇ ਤਾਂ ਲੱਭਣ ਤੇ ਮਿਲ ਜਾਉਂਗਾ.

ਬਾਏ ਬਾਏ
ਟਾਟਾ ਸ਼ਾਟਾ

thanku bhabhi ji - @aliaa08
Producer bhaaji- @Dharmamovies @karanjohar

ਰੱਜ ਕੇ ਇਸ਼ਕ ਅਤੇ ਦੁਵਾਵਾਂ - @roymouni
ਵੱਡੇ ਵੀਰ ਤੇ ਯਾਰ ਅਣਮੁੱਲੇ - @iamnagarjuna

ਲੰਮੇ ਪੈ ਕੇ ਪੈਰੀ ਪੈਣਾ - @srbachchan

ਲਿਖਤ - @Hollywoodwaala

#batch2013
#brahmastramovie
#bramhastra
#YaarMeraTitliaanWarga

ਮੁੱਕਣੇ ਤੇ ਆਈਆਂ

ਅੱਖਾਂ ਵਿੱਚੋਂ ਗਿੱਡਾ ਨਹੀਂ ਲੈਂਦੀਆਂ ਕਿ ਭਾਜੜਾ.

ਆਸੇ ਪਾਸੇ ਜੰਗਲਾਂ ਦੇ ਪਾਰ ਝਰਨਾ.
ਪਾਣੀ ਵਿੱਚ ਸੂਰਜ ਦੀਆਂ ਕਿਰਨਾਂ

ਸ਼ੇਰਾਂ ਦਾ ਝੁੰਡ

ਸਿਰ ਦਾ ਤੁੰਡ

ਪੁਰਾਣੇ ਖੁੰਡ

ਟੁੱਟਣੇ ਤੇ ਆਈਆਂ
ਸੁੱਟ ਲਿਆ ਕਸਾਈਆਂ

ਸਾਡੇ ਮਿਲਾਪੜੇ
ਮਾੜੇ ਸਿਆਪੜ੍ਹੇ

ਨਾ ਪੜ੍ਹਿਆ
ਨਾ ਲੜ੍ਹਿਆ
ਨਾ ਖੜਿਆ
ਨਾ ਸੜਿਆ

ਯਾਰਾਂ ਦਾ ਕੋਈ ਬੇਲੀ ਨਾ
ਜੇਬਾਂ ਦੇ ਵਿੱਚ ਧੇਲੀ ਨਾ

ਇੱਕ ਮੁਹੱਬਤ
ਇੱਕ ਇਸ਼ਕ
ਅਤੇ
ਇੱਕ ਨਾਲ ਪਿਆਰ

ਰੁੱਤਾਂ ਓਹ ਵੀ ਲੰਘਾਈਆਂ
ਸਾਡੀਆਂ ਚੰਗਿਆਈਆ
ਗੱਲ੍ਹਾਂ ਵਿੱਚ ਡੂੰਘਾਈਆਂ

ਗੁਰੂਆਂ ਨੇ ਸਿਖਾਈਆਂ
ਪੀਰਾਂ ਨੇ ਭੁਲਾਈਆਂ

ਗਲੇ ਦਾ ਕੰਠ
ਵੋਟਾਂ ਦਾ ਪੱਥ

ਰੇਲਾਂ ਦੇ ਜੁਰਮਾਨੇ
ਮੁਸਾਫ਼ਰ  ਬਗਾਨੇ

ਮਿੰਨਤਾਂ ਤਰਲੇ ਝਾਸੇ
ਝੀਲਾਂ ਦੇ ਨੇੜੇ ਜੰਗਲਾਂ ਦੇ ਪਾਸੇ

ਲਹੂ ਸੀ ਮੇਰਾ
ਹਾਸਾ ਤੇਰਾ
ਪੱਥਰ ਤੇ ਲੀਕਾਂ
ਥੱਪੜ ਤੇ ਚੀਕਾਂ

ਹੌਸਟਲ ਦਾ ਕਮਰਾ
ਤੇ ਸੋਈਂ ਜਾਵਾਂ

ਭੁੱਖਣ ਭਾਣਾ
ਸਟੇਸ਼ਨ ਤੇ ਰੋਈਂ ਜਾਵਾਂ

ਓਧਾਂ ਤਾਂ ਪਹਿਲਾਂ ਕਦੇ ਸੀ ਨਹੀਂ ਹੋਇਆ
ਏਦਾਂ ਕਦੇ ਤਾਂ ਪਹਿਲਾਂ ਨਹੀਂ ਸੀ ਰੋਇਆ

ਕਾਤਿਬ ਦਾ ਲਿਖਣਾ
ਬਾਰੀ ਵਿਚੋਂ ਦਿਖਣਾ

ਅੱਖਾਂ ਤੋ ਅੰਨ੍ਹੇ
ਇਸ਼ਕ ਦਾ ਸੌਦਾ

ਕੀਤੀ ਐ ਤੌਬਾ
ਜ਼ਹਿਰ ਦਾ ਪੌਦਾ

ਨਿਕਲੀ ਨਹੀਂ
ਤਿਲਕਣ ਤੋ ਜਾਨ ਬਚਾ ਲੈਂ

ਵਹਿਮਾਂ ਦੀ ਮਾਰੀ
ਨਿਕਲਣ ਤੋ ਧਿਆਨ ਰਚਾ ਲੈਂ

ਅੱਖਾਂ ਦਾ ਚਸ਼ਮਾਂ
ਨੀਲੀਆਂ ਤਰੇਲਾਂ

ਪਾਣੀ ਦਾ ਚਸ਼ਮਾਂ
ਪਾਸੇ ਵੇਲਾਂ

ਖੜ੍ਹੀ ਹੈਂ ਓਥੇ
ਜਾਂ ਤੈਰਦੀ ਸੋਹਣੀ

ਚੇਹਰਾ ਐ ਚੇਤੇ
ਜਾਂ ਸੱਚੀ ਚ ਹੋਣੀ.

2012 ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ

24.08.2022

Dark Secret

ਮੇਰੇ ਕੋਲੋਂ ਸਹੀ ਢੰਗ ਨਾਲ ਕੋਈ ਚੀਜ਼ ਨਹੀਂ ਹੁੰਦੀ.
ਮੈਂ ਐਕਟਰ ਹਾਂ. ਕਿਤੇ ਮੈਂ ਆਪਣੇ ਕਿਸੇ ਅਗਲੇ ਪਿਛਲੇ ਪ੍ਰੋਜੈਕਟ ਦੇ ਕਿਰਦਾਰ ਦੀਆਂ chracterzation ਦੀਆਂ ਗੱਲਾਂ ਜਾਂ ਆਦਤਾਂ ਨੂੰ ਕਿਤੇ ਅੰਦਰ ਤਾਂ ਨਹੀਂ ਸਾਂਭ ਲਿਆ.ਓਹਨਾ ਨੂੰ ਲੱਭਣ ਲਈ ਅੰਦਰ ਝਾਤ ਅਤੇ ਕੁਝ ਦਿਨ ਆਪਣੇ ਆਪ ਨੂੰ ਹਰ ਹਲਾਤ ਵਿੱਚ ਜਾਂਚਣ ਪਰਖਣ ਲੱਗਦਾ ਹੈ. ਸੋਚਦੇ ਸੋਚਦੇ ਪਾਣੀ ਦੀ ਸਤਿਹ ਵਿੱਚ ਆਪਣਾ ਪਰਛਾਵੇਂ ਨੂੰ ਪੁੱਛਦਾ ਹਾਂ. ਪਾਣੀ ਜਿਵੇ ਆਖਦਾ ਹੈ ਕਿ ਇਹ ਸਵਾਲ ਕਿਸੇ ਸ਼ੀਸ਼ੇ ਤੋਂ ਕਰੇ ਤਾਂ ਓਹੋ ਸਾਫ ਅਤੇ ਸਭ crystal clear ਵਿਖਾਵੇਗਾ. ਪਾਣੀ ਦੀ ਇਹ ਖੁਦਾਰੀ ਮੈਨੂੰ ਬੜਾ ਵੱਟ ਚੜਾਉਂਦੀ ਹੈ. ਬੋਲ ਕੇ ਚੁੱਪਚਾਪ ਅੱਗੇ ਤੁਰ ਜਾਣਾ. ਮੈਂ ਪਾਣੀ ਦੇ ਨਵੇਂ ਵਗ਼ ਨੂੰ ਵੀ ਚੁੱਪਚਾਪ ਆਪਣਾ ਅਗਲਾ ਸਵਾਲ ਲੱਭਣ ਲਈ ਉਸਦੀ ਸਤਿਹ ਤੇ ਅੱਖਾਂ ਨੂੰ ਭਾਲਦਾ ਹੋਇਆ ਖ਼ੁਦ ਨੂੰ ਦੇਖਣ ਲੱਗਦਾ ਹਾਂ. ਮੈਨੂੰ ਅੰਦਰ ਬੈਠਾ ਕੋਈ ਮੇਰੇ ਸਾਹਮਣੇ ਬੈਠਾ ਨਜ਼ਰ ਆਉਂਦਾ ਹੈ. ਪਾਣੀ ਦਾ ਵਗ ਰੁੱਕ ਜਾਂਦਾ ਹੈ.

ਮੇਰੀਆ ਤੇ ਅਕਸ ਦੀਆਂ ਗੱਲਾਂ ਦੀ ਲੜੀ ਸੁਣਨ.

ਅੱਛਾ ਤੂੰ ਹੀ ਸੀ ਜੌ ਇੰਨੀਆ ਉਲੂਤਾਂ ਤੇ ਕਰਤੂਤਾਂ ਮੇਰੇ ਅੰਦਰ ਬੈਠਾ ਮੇਰੇ ਮਨ ਤੇ ਖੋਪੜ ਨੂੰ ਆਪਣੇ ਨਾਲ ਲਾਈ ਬੈਠਾ ਰਿਹਾ. ਠੱਗ ਸਿਰੇ ਦਾ ਚੋਰ.

ਪਾਣੀ ਦਾ ਵਗ ਮੇਰੇ ਪਾਸੇ ਦੀ ਗੱਲ ਨਹੀਂ ਕਰਦਾ ਉਹ ਵੀ ਅਕਸ ਦੇ ਨਾਲ ਰੱਲ ਕੇ ਮੇਰੇ ਭਾਂਡੇ ਭੰਡਣ ਲੱਗ ਪਿਆ. ਤੂੰ ਵੀ ਘੱਟ ਚੋਰੀ ਨਹੀਂ ਕੀਤੀ.


ਮੈਂ ਕਦੇ ਕੋਈ ਚੋਰੀ ਨਹੀਂ ਕੀਤੀ..

ਹਾਂ ਚੋਰੀ ਜਿਹੇ ਮਨ ਵਿੱਚ ਇੱਕ ਗੱਲ ਸਾਂਭੀ ਰੱਖੀ. ਚੋਰੀ ਜਿਹੇ ਸੋਚਦਾ ਸੀ ਦਿਲ ਦੀ ਗੱਲ ਨੂੰ ਕੱਢ ਕੇ ਕਿਸੇ ਨਗ਼ ਵਿੱਚ ਮੜ ਕੇ ਜੜ ਦੇਵਾਂ. ਚੋਰੀ ਜਿਹੇ ਉਸਦੇ ਝੋਲੇ ਵਿੱਚ ਰੱਖ ਦੇਵਾਂ. ਕਿਸੇ ਬੋਤਲ ਦੇ ਅੰਮ੍ਰਿਤ ਵਿੱਚ ਘੋਲ ਦਿਆਂ.

ਕਿਸੇ ਚਾਹ ਕਾਫ਼ੀ ਵਿੱਚ ਭੁੰਨ ਕੇ ਉਸਨੂੰ ਚੋਰੀ ਜਿਹੇ ਆਪਣੀ ਗੱਲ ਨੂੰ ਓਹਦੀ ਗੱਲ ਵਿੱਚ ਬਦਲ ਦੇਵਾਂ.

ਪਰ ਮੈਂ ਚੋਰੀ ਖੁਣੋਂ ਰਹਿ ਗਿਆ ਐ ਤੇ ਇਹ ਗੱਲ ਵੱਧ ਫੁੱਲ ਕੇ ਹੁਣ ਮੇਰੇ ਸਾਹਮਣੇ ਏਦਾ ਪਾਣੀ ਦਾ ਵਗ ਬਣ ਕੇ ਮੇਰਾ ਸ਼ੀਸ਼ਾ ਬੈਠੀ ਹੈ.

ਇਹ ਮੇਰੇ ਨਾਲ ਇੰਨੇ ਦਿਨ ਰਹਿਣ ਕਰਕੇ ਹੁਣ ਮੇਰਾ ਮਖੌਲ ਬਣ ਗਈ ਹੈ.

ਮੈਨੂੰ ਇਹ ਗੱਲ ਨਾਂ ਦੇ ਪ੍ਰੇਤ ਨੂੰ ਛੇਤੀ ਤੇਰੇ ਹਵਾਲੇ ਕਰ ਦੇਣਾ ਸਹੀ ਨਹੀਂ ਸੀ. ਇਹ ਪ੍ਰੇਤ ਨਾਲ ਹੁਣ ਮੈ ਆਪ ਨਿਬੜਦਾ.

ਮੇਰੀ ਗੱਲ ਇੰਨੀ ਸੀ ਕਿ ਮੈਂ ਇੱਕ ਸੁਪਨਾ ਵੇਖਿਆ ਸੀ ਜਿਹਨੂੰ ਯਾਦ ਕਰਦਾ ਤਾਂ ਲੱਗਦਾ ਕਿ ਮੇਰਾ ਸਭ ਤੋਂ ਸੋਹਣਾ ਸੁਪਨਾ ਇੰਨਾ ਸੋਹਣਾ ਨਹੀਂ ਸੀ ਜਿੰਨਾ ਤੇਰੇ ਨਾਲ ਲੰਘਿਆ ਵੇਲਾ. ਤੇਰੇ ਹੋਣ ਤੇ ਮੈਂ ਦੁਨੀਆ ਦੀ ਕਿਸੇ ਵੀ ਸ਼ੈ ਨੂੰ ਆਪਣੇ ਹੱਥ ਦੀ ਤਲੀ ਤੇ ਰੱਖ ਕੇ ਓਹਨੂ ਆਪਣੇ ਘਰ ਦੀ ਮਗਰਲੀ ਪਹੀ ਤੇ ਕਿਸੇ ਬੂਟੇ ਵਿੱਚ ਵਧਣ ਫੁੱਲਣ ਲਾ ਦਿੰਦਾ.

ਗੱਲ ਸਾਂਭੀ ਨਾ ਗਈ.ਇਹ ਮੇਰੇ ਅੰਦਰ ਇੰਨੀ ਵੱਧ ਫੁੱਲ ਗਈ ਕਿ ਹੁਣ ਪਾਣੀ ਦੀ ਸਤਿਹ ਤੇ ਬਣ ਕੇ ਬੈਠੀ ਹੈ.

ਪਾਣੀ ਦਾ ਵਗ ਇਹ ਗੱਲ ਨੂੰ ਰੋਹੜ ਕੇ ਕਿਤੇ ਨਾਲ ਲੈਂ ਤੁਰਿਆ.

ਗੱਲ ਤੋਂ ਖਹਿੜਾ ਛੁੱਟਾ. ਮੇਰੇ ਕੋਲ ਹੁਣ ਕੋਈ ਸੁਪਨੇ ਵਰਗੀ ਸ਼ੈ ਨਹੀਂ ਤੈਨੂੰ ਸੋਪਣ ਨੂੰ.

ਚੱਲ ਸਾਹਮਣੇ ਭਵਿਖ ਦੇ ਆਕਾਸ਼ ਨੂੰ ਤੱਕਦੇ ਹਾਂ ਤੇ ਆਪਣੇ ਹਿੱਸੇ ਦੀ ਥਾਂ ਮਲੱਕ ਲੈਣੇ ਹਾਂ.

ਜਿੱਥੇ ਦਿਲ ਦੀ ਗੱਲ ਨਾ ਅੱਪੜ ਸਕੇ. ਸਿਰਫ਼ ਸੁਪਨੇ ਸਾਫ ਤੇ ਸਪਸ਼ਟ ਬੱਦਲਾਂ ਦੇ ਵਿੱਚ ਮੰਡਰਾਉਂਦੇ ਦਿਖਣ.
ਜਿੱਥੇ ਗੱਲਬਾਤ ਸਾਂਭਣ ਦਾ ਇਹੀ ਵਸੀਲਾ ਹੋਵੇ.
ਜਿੱਥੇ ਸ਼ਬਦ ਵਿਅਰਥ ਨਾ ਹੋਣ.

Gulaabi suit

 ਵੱਡੇ ਸਾਰੇ ਕੂੜ੍ਹੇ ਦਾ ਢੇਰ. ਜਿਸ ਵਿੱਚੋ ਲੱਭਣ ਨਿਕਲੋਂ ਤਾਂ ਕੁਝ ਨਾ ਕੁਝ ਦਿਲ ਦੁਖਾਉਣ ਆਲਾ ਜਾਂ ਹੱਸ ਹੱਸ ਵੱਖੀ ਤੋੜਨ ਆਲਾ ਕੋਈ ਜੁਮਲਾ ਨਿਕਲ ਆਉਂਦਾ ਹੈਂ. 

ਪਰ ਜਿਸ ਢੇਰ ਤੇ ਤੁਸੀਂ ਤੁਰੇ ਫਿਰਦੇ ਹੋ ਓਥੇ ਤੁਹਾਨੂੰ ਕੰਚ ਦੇ ਪਿੱਛੇ ਲਹੂ ਵੀ ਨਹੀਂ ਮਿਲਣਾ. ਜਵਾਬ ਗਹਾਂ ਮਿਲੇਗਾ ??

ਹਾਂ ਪ੍ਰਧਾਨ ! 

ਦਿਲ ਟੁੱਟਿਆ ਲੱਗਦਾ. ਗੁਲਾਬੀ ਸੂਟ ਕਿਸ ਖੁਸ਼ੀ ਚ' ?

ਆਖਦੀ ਐ ਕਿ ਕੂਈਨ ਆਂ ਮੈਂ ਪਰ ਤੇਰੇ ਤਸੁਵੱਰ ਆਲੀ ਨਹੀਂ. ਨਾ ਮੂੰਹ ਨਾ ਮੱਥਾ. ਗ਼ਬਲੋ ਜਿਹੀ ਮਾਸਾ ਨਹੀਂ ਸੋਹਣੀ. ਫਿਰ ਵੀ ਤੂੰ ? ਤੇਰੀ ਪਸੰਦ ਬਹੁਤ ਮਾੜ੍ਹੀ ਐ.

ਲੈ ਗਬਲੋ ਤਾਂ ਤੂੰ ਵੀ ਐ.

ਤੇਰੇ ਗ਼ਬਲੋ ਹੋਣ ਤੇ ਕਿਸੇ ਨੇ ਤੈਨੂੰ ਮਾੜਾ ਚੰਗਾ ਬੋਲਿਆ ?

ਫਿਰ ਓਹਦੇ ਕੁਦਰਤੀ ਰੰਗ ਰੂਪ ਤੇ ਤੰਜ ਕਰਨ ਦਾ ਕੋਈ ਹੱਕ ਨਹੀਂ.

ਆਖਦੀ ਐ ਕਿ ਗ਼ਬਲੋ ਮਣ ਪੱਕਾ ਪਊਡਰ ਮੱਲਦੀ ਹੈ.

ਚਲੋ ਮੰਨ ਲਿਆ ਉਹ ਸੋਹਣੀ ਨਹੀਂ. ਬੋਲਦੀ ਤਾਂ ਚੰਗਾ ਹੈ. ਗਾਉਂਦੀ ਚੰਗਾ ਐ. ਥੋੜਾ ਜਿਹਾ ਨਖ਼ਰਾ-ਸ਼ਖਰਾ ਵੀ ਕਰ ਲੈਂਦੀ ਹੈਂ.

ਆਖਦੀ ਐ ਕਿ ਕਦੇ ਨੇੜੇ ਜਾ ਕੇ ਵੇਖਿਆ ਹੈਂ ਓਹਦੇ. ਬਿੰਨਾ ਗੰਦੀ ਗਾਲ਼ ਤੋਂ ਗੱਲ ਹੀ ਸ਼ੁਰੂ ਨਹੀਂ ਕਰਦੀ.

ਪੈਚੋਂ ਪੱਕਾ phrase ਐ ਓਹਦਾ. 

ਦੱਸ ਤੂੰ ਕਿਓਂ ਭਰੀ ਸਭਾ ਵਿੱਚ ਗਾਹਲ ਕੱਢ ਰਹੀ ਹੈਂ.

ਆਖਦੀ ਐ- ਗੱਲ ਸ਼ੁਰੂ ਕਿੰਨੇ ਕੀਤੀ ਸੀ.

ਮੈਂ ਕੀਤੀ ਸੀ. ਮੈਂ ਕੱਲ ਰਾਤ ਤੈਨੂੰ ਗੁਲਾਬੀ ਸੂਟ ਤੇ ਅੱਖਾਂ ਤੇ ਯੰਤਰ ਲੱਗਾ ਵੇਖ ਕੇ .... ਬੁਲਾਉਣਾ ਚਾਹਿਆ ਪਰ ...

ਆਖਦੀ ਐ - ਉਸ ਯੰਤਰ ਨੂੰ eyeglasses ਕਹਿੰਦੇ ਐ ਤੇ ਆਹ ਪਰ ਕੀ ?

ਮੈਨੂੰ ਲੱਗਦਾ ਤੇਰਾ ਮੂਡ ਠੀਕ ਨਹੀਂ ਐ.

ਆਖਦੀ ਐ ਕੀ ਮੂਡ ਤੂੰ ਖਰਾਬ ਕਰ ਰਿਹਾ ਹੈਂ. ਗੱਲ ਤੂੰ ਸ਼ੁਰੂ ਕਰ ਰਿਹਾ ਹਾਂ.

ਅੱਛਾ ਮੈਂ ਗੱਲ ਸ਼ੁਰੂ ਕਰ ਰਿਹਾ ਹਾਂ. ਮੈਨੂੰ ਗੱਲ ਸ਼ੁਰੂ ਨਹੀਂ ਕਰਨੀ ਚਾਹੀਦੀ ਐ.!!!

!!!

ਪਰ ਕਿਸੇ ਨੂੰ ਤਾਂ ਗੱਲ ਖਤਮ ਕਰਨੀ ਪੈਣੀ ਹੈਂ

!!!

ਜੁਆਬ  ਦੀ ਉਡੀਕ.

ਹਾਲੇ ਕੋਈ ਜੁਆਬ ਨਹੀਂ ਆਇਆ ਹੈ. 

ਚੱਲ ਆ imagination imagination ਵਾਲਾ ਤੂਤ ਭੰਨ ਦੇਈਏ ਤੇ ਕਿਸੇ realism ਤੇ Neo Real World ਵਿੱਚ ਮਿਲੀਏ. ਸਮਝਦਾਰਾਂ ਵਾਂਗ ਇਹ ਨਿਆਨਪੁਣਾ ਛੱਡ ਕੇ ਕਿਸੇ ਹੋਰ ਮਸਲੇ ਵਿੱਚ ਉਲਝੇ ਮਿਲੀਏ.

ਮੈਂ ਜਵਾਬ ਦੀ ਉਡੀਕ ਨਹੀਂ ਕਰ ਰਿਹਾ. ਬਾਕੀ ਗੱਲਾਂ ਸਾਹਮਣੇ ਮਿਲੇ ਤੇ.

ਚੰਗਾ ਅਲਵਿਦਾ.

side ਜੱਫੀ 

ਬਾਕੀ ਜੁਆਬ ਗਹਾਂ ਮਿਲਣਾ.

ਮੈਂ 

ਭਟਕਣ ਕਲਾਂ

ਭਵਿੱਖ ਦੇ ਦੀਵੇ ਦੀ ਲਾਟ ਮੱਧਮ ਜਿਹੀ ਦਿਖਦੀ ਹੈ.

ਖੌਰੇ ਉਸ ਦੀਵੇ ਦੀ ਲਾਟ ਤੋਂ ਮੈਂ ਕਿੰਨੀ ਪਿੱਛੇ ਹਾਂ.

ਹੋਣੀ ਅਣਹੋਣੀ ਤੋਂ ਦੂਰ ਚੰਗੇ ਭਵਿੱਖ ਦੀ ਕਲਪਨਾ ਦੀਆਂ ਸਲਾਹਾਂ ਮੈਨੂੰ ਵਕਤ ਦੀ ਬਰਬਾਦੀ ਨਜ਼ਰ ਆਉਂਦੀ ਹੈ. ਹਾਲੇ ਸੰਘਣੀ ਰਾਤ ਹੈ. 

I

ਮੇਰੇ ਸਾਹਮਣੇ ਰੌਸ਼ਨੀਆਂ ਨਾਲ ਰੁਸ਼ਨਾਉਂਦਾ ਇੱਕ ਮਹਿਲ ਹੈ. ਉਸ ਮਹਿਲ ਵਿੱਚ ਰੁਸ਼ਨਾਉਂਦਾ ਮੇਰਾ ਇੱਕ ਕਮਰਾ ਨੰਬਰ 12 ਹੈਂ. 

ਰੌਸ਼ਨ ਇਹ ਹਵੇਲੀ ਵੀ ਕਾਹਦੀ. ਸੁਰਗ ਦੇ ਰਾਹਾਂ ਨੂੰ ਜਾਂਦਾ ਕੋਈ ਆਰਾਮ ਘਰ ਨਜ਼ਰ ਆਉਂਦਾ ਹੈ. ਦੂਰ ਕਿਤੇ ਮੈਂ ਚੰਦ ਦੀ ਲੋਅ ਨੂੰ ਲੱਭਦਾ ਭਾਲਦਾ ਬੁੱਢੇ ਸੰਘਣੇ ਦਰੱਖਤਾਂ ਦੀਆਂ ਟਹਿਣੀਆਂ ਦੇ ਪਾਰ ਦੀ ਇੱਕ ਜਗਦੇ ਚੰਨ ਨਾਲ ਹਾਸੇ ਠੇਠੇ ਕਰਦਾ. ਲੁੱਕਣ ਮਿੱਟੀ ਖੇਡ ਰਿਹਾ ਵਾਂ. 

ਕਦੇ ਕਦੇ ਡਰ ਵੀ ਲੱਗਦਾ ਹੈ ਕਿ ਅੰਬਰੀ ਮੂੰਹ ਚੁੱਕੇ ਤੁਰਦੇ ਤੁਰਦੇ ਕਿਸੇ ਖੱਡ ਵਿੱਚ ਨਾ ਬਿਸਤਰਾ ਲਵਾ ਬੈਠਾ. ਫਿਰ ਰੁੱਕ ਜਾਣਾ. ਸਿੱਧੀ ਸਪਾਟ ਨਜ਼ਰ ਦੀਵੇ ਦੀ ਲਾਟ ਆਪਣੇ ਵੱਲ ਖਿੱਚਦੀ ਹੈ. ਰਾਤ ਸੰਘਣੀ ਹੋ ਕੇ ਕਿਸੇ ਦੇ ਚੇਹਕਾਂ ਮਾਰਨ ਤੇ ਸਮਾਪਤ ਹੁੰਦੀ ਹੈ.

ਦੂਰ ਕੋਈ ਉੱਡਦਾ ਜਾਂਦਾ ਪਰਿੰਦਾ ਆਪਣਾ ਸੁਨੇਹਾ ਲੈਂ ਕੇ ਜਾਂਦਾ ਨਜ਼ਰ ਆਉਂਦਾ ਪ੍ਰਤੀਤ ਹੁੰਦਾ ਹੈ. 

ਉਸਦੀ ਚੁੰਝ ਵਿੱਚ ਸੂਰਜ ਲਈ ਇੱਕ ਸੁਨੇਹਾ ਹੈ. 

ਬਲਦਿਆ ਦੇ ਦਾਤਾ ਆਪਣੀ ਲਾਟ ਨੂੰ ਹੋਰ ਤਿੱਖਾ ਤੇ ਹੋਰ ਤੇਜ਼ ਕਰ.

ਕੁਝ ਰਾਹੀਂ ਭਟਕੇ ਤੈਂਥੋ ਲੋਅ ਲੈਂ ਕੇ ਦੁਨੀਆ ਜਿੱਤਣ ਦੇ ਖ਼ਵਾਬ ਲੈਂ ਕੇ ਘਰੋਂ ਨਿਕਲੇ ਹਨ.।

ਮਨਸਾ

   ਵਿਖਾਵਿਆ ਦੀ "ਤੁਸੀਂ" ਨਾਲੋਂ 

   ਪਿਆਰ ਦੀ "ਤੂੰ" ਚੰਗੀ ਹੈ.

ਤੇਰੀ ਸਾਦਗੀ ਦਿਲ ਨੂੰ ਚੰਗੀ ਲੱਗਣ ਲੱਗੀ ਐ. 

ਮੂੰਹੋਂ ਗਾਹਲ ਦੇਣੀ ਐ ਤਾਂ ਸ਼ਾਲਾਂ ਵੱਖੀ ਵਿੱਚ ਹੱਸ ਹੱਸ ਪੀੜ ਹੋਣ ਲੱਗਦੀ ਹੈ. 

ਤੇਰੇ ਹਾਸੇ ਦੰਦ ਮਿੱਠੇ ਬੋਲ ਪਤਾਸ਼ੇ. 

ਅਸੀਂ ਕਿਰਦਾਰਾਂ ਵਿੱਚ ਜਿਉਣ ਵਾਲੇ ਆਪਸ ਵਿੱਚ ਦੋ ਜੀਅ ਕੀ ਲੱਗਦੇ ਹਾਂ. 

ਬੜੇ ਸਵਾਲ ਆਉਂਦੇ ਹੈ. ਨਿਆਣਿਆਂ ਵਾਂਗ ਜਿੱਦ ਕਰਨ ਨੂੰ ਦਿਲ ਕਰਦਾ ਹੈ. ਤੈਨੂੰ ਦੁਨੀਆ ਤੋਂ ਕਿਤੇ ਅੱਲਗ ਕਿਤੇ ਲਿਜਾ ਕੇ ਕਿੱਥੇ ਸਾਂਭ ਸਕਦਾ. ਜਿੱਥੇ ਆਪਾਂ ਦੋਵਾਂ ਨੂੰ ਕਿਸੇ ਦੀ ਨਜ਼ਰ ਨਾ ਲੱਗੇ.  

ਮੈਂ ਨਾਸਤਕ ਹਾਂ ਪਰ ਤੇਰੇ ਜ਼ਿੰਦਗੀ ਵਿੱਚ ਹੋਣ ਲਈ ਰੱਬ ਵਰਗੀ ਸ਼ੈਅ ਦੇ ਵੀ ਹਾੜ੍ਹੇ ਕੱਢ ਸਕਦਾ.  ਹਵਨਾ ਦੇ ਆਸੇ ਹੁੰਦੇ ਉਚਾਰਨਾ ਨੂੰ ਮੈਂ ਨਹੀਂ ਮੰਨਦਾ ਪਰ ਜ਼ੇ ਇਹ ਪੰਡਤ ਦਾਅਵੇ ਨਾਲ 7 ਜਨਮਾਂ ਦੇ ਸਾਥ ਦੀ ਗਰੰਟੀ ਦੇਣ ਤਾਂ ਮੈਂ ਇਹ ਹਵਨਾਂ ਦੇ ਯੱਗ ਕਦੇ ਰੁਕਣ ਨਾ ਦੇਵਾਂ. 

ਤੈਨੂੰ ਪਾਉਣ ਦੀ ਬੜੀ ਚਾਹਤ ਹੈ ਮੰਗਾ ਕਿਹਦੇ ਕੋਲੋ.

ਮੁਕੱਦਰਾਂ ਤੋਂ ? ਕਹਿੰਦੇ ਐ ਚਾਹਤਾਂ ਵਿੱਚ ਸਜਦੇ ਹੁੰਦੇ ਐ ਸ਼ਿਕਵੇ ਨਹੀਂ. 

ਸੋਹਣੇ ਹੋਣਾ ਤੇ ਸੋਹਣੇ ਦਿਖਣਾ.

ਸੋਹਣਾ ਦੇਖਣਾ ਤੇ ਓਹਨੂੰ ਦੱਸਣਾ ਵੀ ਨਾਂ.

ਉਸਤਤ ਨੂੰ ਬੋਲ ਕੇ ਦੱਸੇ ਨਾ ਗਿਆ ਤਾਂ ਉਸਤੋਂ ਭਾਰੀ ਚੀਜ਼ ਕੋਈ ਨਾ. ਇਸ ਕਰਕੇ ਉਂਗਲਾਂ ਨਾਲ ਸੁਆਹ ਉੱਤੇ  ਜਿਵੇਂ ਕੋਈ ਨਿਆਣਾ ਕੁਝ ਉਲੀਕਣ ਦਾ ਜਤਨ ਕਰਦਾ ਐ ਮੈਂ ਵੀ ਕੁਝ ਮਨ ਆਈਆਂ ਉਲੀਕ ਦੇਣਾ.  ਮੈਂ ਜਾਣਦਾ ਮੇਰੇ ਤੇ ਤੇਰੇ ਵਿਚਕਾਰ ਇਹ ਸ਼ਬਦ ਹੀ ਨੇ ਜੌ ਅਮਰ ਨੇ. 

ਰਾਤ ਦੇ ਖ਼ਿਆਲ ਸਨ. 

ਏਥੇ ਵਾਹ ਦਿੱਤੇ.

ਬੇਹਤਰ ਹੋ ਕੇ ਵੀ ਬੇਹਤਰੀਨ ਦੀ ਕੋਈ ਤਲਾਸ਼ ਨਹੀਂ.

 ਤੁੱਕ ਬੰਦੀ ਕਰਕੇ ਕੋਈ ਸ਼ਬਦਾਂ ਦੀ ਲੜੀ ਨਹੀਂ ਬਣਾਉਂਦਾ. 

ਜੌ ਜੀ ਜੀਅ ਆਇਆ ਤੇਰੇ ਬਾਰੇ ਤੈਨੂੰ ਸੋਚ ਕੇ ਉਲੀਕ ਦੇਣਾ. ਅੱਖਰਾਂ ਦੇ ਵਿੱਚ ਅੱਖਰਾਂ ਦੇ ਪਹਾੜ ਨੇ. 

ਸਿਫ਼ਤਾਂ ਕਰਨੀਆਂ ਕਰਾਉਣੀਆਂ ਨਹੀਂ ਸਿੱਖੀਆ ਬੱਸ ਜੌ ਨੇੜੇ ਹੋਵੇ ਓਹਦਾ ਕਦਰਦਾਨ ਜਰੂਰ ਰਹਿਣਾ. 

ਸਾਥ ਹੋਣ ਨਾਲੋਂ ਸਾਥ ਦਾ ਬਣਿਆ ਰਹਿਣਾ ਜ਼ਰੂਰੀ ਹੈ.

ਚੱਲ ਚੰਗਾ ਚਲਦਾ ਮੈਂ

16 ਅਪ੍ਰੈਲ 

3 ਵਿਸਾਖ ਸ਼ਨੀਵਾਰ

ਅੰਬਰਸਰ

ਹੋਟਲ ਰਣਜੀਤ ਅਵਾਸਾ

ਦੇਰ ਰਾਤ ਸਵਾ ਤਿੰਨ ਵਜੇ 

ਖਿਆਲਾਂ ਨੂੰ ਸੋਚ ਕੇ ਲਿਖਣਾ. ਨੀਂਦ ਵਿੱਚ ਉਲੀਕਦੇ ਹੋਏ. 

ਵੈਣ

ਉਹ ਆਪਣੇ ਬਚੇ ਹੋਏ ਅਵਸ਼ੇਸ਼ ਲੈ ਕੇ ਚੱਲ ਨਿਕਲੀ 

ਸੰਘੀ ਦੇ ਵਿੱਚ ਇੱਕ ਬਾਂਸ ਦਾ ਟੋਟਾ

ਗੂੰਗੇ ਬਣੇ ਰਹਿਣਾ 

ਲੰਮੀ ਉਮਰ ਭੋਗਣ ਵਾਂਗ ਹੈ.

ਜਦੋ ਵੀ  ਕਿਥੋਂ ਕੋਈ ਆਵਾਜ਼ ਆਉਣੀ 

ਓਹਨੇ ਦੁਬਕ ਕੇ ਆਪਣੇ ਸਾਹਾਂ ਨੂੰ ਰੋਕ ਲੈਣਾ

ਧਾਹਾਂ ਮਾਰ ਕੇ ਰੋਂਦੀ ਨੂੰ ਜਦੋਂ ਵੇਖਿਆ.

ਮੇਰਾ ਚਿੱਤ ਕਰੇ ਦਿਲ ਨਾਲ ਲਾਵਾਂ

ਪਿਓ ਦੀਆਂ ਫਿਟਕਾਰਾਂ ਦੇ ਕੇ ਆਖਾਂ ਚੁੱਪ ਕਰ

ਵੈਣ ਨਾ ਖ਼ਲਾਰ

ਜਿਹੜੀ ਝੱਲ ਖਿਲਰਣੀ ਸੀ ਖਿੱਲਰ ਗਈ.

ਹੋਂਸਲੇ ਵਾਲੀ ਐ 

ਸਭ ਦੇ ਸਾਹਮਣੇ ਹੁਣ ਮੁਸਕਰਾਉਂਦੀ ਹੈਂ

ਚੌਂਕੇ ਵਿੱਚ ਵੜ ਕੇ ਕਦੇ ਕਦਾਈਂ ਡੁਸਕਦੀ ਹੈਂ 

ਤੰਗ ਦਿਲੀਆਂ ਤੋਂ ਪਾਸੇ ਰਹਿੰਦੀ ਹੈ 

ਪੜ੍ਹਦੀ ਲਿਖਦੀ ਤੇ ਹੱਸਦੀ ਹੈ

ਕੰਡਾ ਕੌਡਾ

 ਰਾਤ ਤੇਰੇ ਨਾਲ ਇੱਕ ਸੌਂਹ ਖਾਧੀ ਸੀ. ਸੌਂਹ ਤੇਰੇ ਕੋਲੋਂ ਪਵਾਈ ਗਈ ਕਿ ਅਗਲੀ ਵਾਰ ਤੱਕ ਤੂੰ ਆਪਣਾ ਹਾਲ ਮੈਨੂੰ ਸਿਰਫ ਲਿਖ ਕੇ ਦੱਸੇ. ਪਤਾ ਨਹੀਂ GEN Y ਨੂੰ ਜਦੋ ਵੀ ਲਿਖਣੇ ਪੜ੍ਹਨੇ ਦਾ ਕੋਈ ਕਾਰਜ ਮੜ੍ਹਿਆ ਜਾਂਦਾ ਹੈਂ ਤਾਂ ਥੋਨੂੰ ਚਾਅ ਕਿਓਂ ਨਹੀਂ ਚੜ੍ਹਦਾ. 

 ਤੇਰਾ ਜੁਆਬ ਬਿਨਾਂ ਉਡੀਕੇ ਮੈਂ ਲਿਖ ਆਪਣੀ ਸੌਂਹ ਤੇ ਵਾਅਦੇ ਦੀ ਰਸਮ ਬੰਨ੍ਹਣ ਲੱਗਾ ਵਾਂ. 

ਮੈਨੂੰ ਪਤਾ ਹੈ ਤੂੰ ਲਿਖਣੇ ਦਾ ਸੋਚਿਆ ਹੋਣਾ. ਲਿਖਣ ਦੇ ਹੀਲੇ ਵਿੱਚ ਮਨੋ ਮਨੀ ਸੋਚਦੀ ਨੇ ਵਕਤ ਅਤੇ ਏਕਾਂਤ ਨੂੰ ਵੀ ਭਾਲਿਆ ਹੋਣਾ,  ਪਰ ਲਿਖਣ ਲਈ ਇੱਕ ਹੋਰ ਚੀਜ਼ ਵੀ ਲੱਗਦੀ ਹੈ. ਜੋ ਸ਼ਾਇਦ ਤੂੰ ਛੇਤੀ ਜੁਆਬ ਵਿੱਚ ਲਿਖ ਕੇ  ਦੇਵੇ.... ਬੱਸ ਆਹੀ ਆਖਣਾ ਸੀ. ਚੱਲ ਚੰਗਾ ਫਿਰ ਹੁਣ ਜਾਣਾ ਵਾਂ. ਚਿੱਤ ਜਿਹਾ ਨਹੀਂ ਲੱਗ ਰਿਹਾ. 

" ਕੰਡਾ ਕੌਡਾ " ਇਹ ਜੁਆਬ ਵਿੱਚ ਇੱਕ ਕੋਡ ਲਿਖ ਕੇ ਭੇਜ ਰਿਹਾ. ਆਈ ਐਸ ਵਰਗੀਆਂ ਖੂਫੀਆ ਅੰਜਸੀਆ ਵੀ ਇਸ ਕੋਡ ਨੂੰ ਕਰੈਕ ਨਹੀਂ ਕਰ ਸਕੀਆਂ. 

ਕੰਡਾ ਕੌਡਾ ਇਹ ਕੋਡ ਉਦੋਂ ਵਰਤਿਆ ਜਾਂਦਾ ਹੈ ਜਦੋਂ ਸਾਥੀ ਮਿਹਨਤਾਂ ਕਰਦਾ ਥੱਕ ਗਿਆ ਹੋਵੇ ਤੇ ਘਰ ਨੂੰ ਮੁੜਨਾ ਚਾਉਂਦਾ ਹੋਵੇ ਓਦੋਂ ਸਿਰ ਉੱਤੇ ਪੰਜੇ ਉਂਗਲਾ ਨੂੰ ਰੱਖ ਕੇ ਹੱਥ ਨੂੰ ਪੂਰੀ ਤਰਾਂ ਖੋਲ ਕੇ "ਕੰਡਾ ਕੌਡਾ" ਬੋਲਣ ਤੇ ਉਸਨੂੰ ਘਰ ਜਾਣ ਦਿੱਤਾ ਜਾਂਦਾ ਹੈ ਤਾਂ ਜੋ ਉਹ ਸਾਥੀ ਖੇਡ ਵਿੱਚ ਵਿਚਾਲੇ ਛੱਡ ਕੇ ਘਰ ਜਾ ਕੇ ਸਭ ਭੁੱਲ ਕੇ ਸੌਂ ਸਕੇ. 

ਕੰਡਾ ਕੌਡਾ ਨਾ ਮਨਜੂਰ ਹੋਣ ਤੇ ਖਿਡਾਰੀ ਨੂੰ ਲਲਕਾਰ ਹੁੰਦੀ ਹੈ ਕਿ ਕੱਲ੍ਹ ਦੁਬਾਰਾ ਫਿਰ ਤਿਆਰੀ ਨਾਲ ਆਵੇ ਤੇ ਅੱਜ ਦੀ ਹਾਰ ਦਾ ਬਦਲਾ ਲਵੇ ਜਾਂ ਦਵੇ.

ਤੇਰੇ ਅਤੇ ਮੇਰੇ ਵਿਚਲੀ ਜੰਗ ਮੁਹੱਬਤ ਦੀ ਹੈ.

ਉਮਰ ਭਰ ਦੇ ਸਾਥ ਦੇ ਇਕਰਾਰਨਾਮੇ ਲਈ ਮੈਂ ਜੋਰ ਲਾਉਣਾ ਚਾਹੁਣਾ.

 ਤੂੰ ਮੇਰਾ ਇਕਰਾਰਨਾਮਾ ਰੋਜ਼ ਮਨਾ ਕਰੇ ਤੇ ਮੈਂ ਕੰਡਾ ਕੌਡਾ ਮੰਗ ਕੇ ਲੜਦਾ ਹਾਰਦਾ  ਉਮਰ ਭਰ ਤੱਕ...........

 ਤੇਰੇ ਲਈ ਇਹ ਜੋ ਵੀ ਹੋਵੇ ਲਿਖਦਾ ਰਵਾਂ.

ਮੈਨੂੰ ਕਵਿਤਾ ਨਹੀਂ ਲਿਖਣੀ ਆਉਂਦੀ 

ਮੈਂ ਕਵੀ ਨਹੀਂ ਹਾਂ

ਮੈਂ ਕਹਾਣੀਆਂ ਸੁਣਾਉਂਦਾ ਹਾਂ 

ਕਹਾਣੀਆਂ ਲਿਖਦਾ ਹਾਂ ਪਰ ਉਹਨਾਂ ਕਹਾਣੀਆਂ ਲਈ ਕੋਈ ਖਾਨਾਂ ਨਹੀਂ ਲੱਭ ਸਕਿਆ ਕਿ ਇਹ ਕਿਸ ਖ਼ਾਨੇ ਵਿੱਚ ਆਉਂਦੀਆਂ ਹਨ.

ਵਾਰਤਕ ਸ਼ਾਰਤਕ ਦੀ ਸਮਝ ਮੇਰੇ ਅੰਦਰ ਹਾਲੇ ਤੱਕ ਨਹੀਂ ਆਈ. 

ਇਸ ਲਈ ਇਹ ਮੇਰਾ ਆਪਣਾ ਇੱਕ ਕਿੱਸਿਆਂ ਦਾ ਸੰਗ੍ਰਿਹ ਹੈ. ਜਿਥੇ ਸਿਰਫ ਮੇਰੀਆਂ ਗੱਲਾਂ ਬਾਤਾਂ ਸਾਂਭੀਆਂ ਰਹਿਣਗੀਆਂ.

ਤੈਨੂੰ ਮੇਰਾ ਪਤਾ ਤਾਂ ਹੈ ਮੈਂ ਸਾਂਭ ਸੰਭਾਲ ਵਿੱਚ ਕਿੱਡਾ ਕੁ ਚੁਸਤ ਹਾਂ ਪਰ ਇਹਨਾਂ ਖਾਨਿਆਂ ਦੇ ਬਾਹਰ ਇੱਕ ਪੱਕੀ ਡਿਊਟੀ ਕਰਨ ਵਾਲਾ ਹੈ ਜੋ ਇਹ ਕਵਿਤਾਵਾਂ ਦੀ ਰਾਖੀ ਕਰੇਗਾ. 

ਕਹਿਣ ਨੂੰ ਇਹ ਕਵਿਤਾਵਾਂ ਜਾਂ ਜੋ ਵੀ ਹਨ ਇਹ ਪਿਆਰ ਦੀਆਂ ਹਨ. ਤੇਰੀ ਅਤੇ ਮੇਰੀ ਆਪਸੀ ਗੱਲਾਂਬਾਤਾਂ ਹਨ. ਕਵਿਤਾਵਾਂ ਕਿਸੇ ਨਾ ਕਿਸੇ ਪਾਸੋਂ ਪਿਆਰ ਦੀਆਂ ਹੁੰਦੀਆਂ ਹਨ. ਤੂੰ ਅਤੇ ਮੈਂ ਸਿਰਫ ਪਿਆਰ ਹੀ ਨਹੀਂ ਕਰ ਸਕਦੇ. ਸਾਡੇ ਸਿਰ ਉੱਤੇ ਹੋਰ ਬਹੁਤ ਸਾਰੇ ਭਾਰ ਹਨ. ਇਹ ਗੱਲਾਂ ਦਾ ਵਕਤ ਸੰਘਰਸ਼ ਦੇ ਵਕਤ ਵਿਚੋਂ ਵੇਹਲ ਕੱਢ ਕੇ ਲਿਖਣ ਅਤੇ ਪੜ੍ਹਨ ਲਈ ਰੱਖਿਆ ਗਿਆ ਹੈ. 
ਤੂੰ ਅਤੇ ਮੈਂ ਲੋਕਾਂ ਲਈ ਵੀ ਭਰਮ ਹਾਂ.
ਸਾਡਾ ਆਪਸੀ ਸੰਬੰਧ ਵੀ ਇੱਕ ਮਿੱਥ ਹੈ. 
ਜਿਸ ਵਿੱਚ ਮੈਂ ਬੋਲਦਾ ਹਾਂ 
ਤੂੰ ਪੜ੍ਹਦੀ ਹੈ 
ਬਾਕੀ ਸਾਰੀ ਦੁਨੀਆ ਹਨ੍ਹੇਰੀ ਰਾਤ ਵਿੱਚ ਧੁੰਦ ਦੇ ਵਿੱਚ ਲਿਪਟੀ ਹੈ. 
ਚੱਲ ਠੀਕ ਹੈ 
ਚੰਗਾ ਚਲਦਾ ਮੈਂ 
ਕੰਡਾ ਕੌਡਾ 
ਤਾਰੀਖ਼ 13 ਅਪ੍ਰੈਲ
31 ਚੇਤ
ਘੜੀ ਉੱਤੇ 00:44
ਮੇਰਾ ਨਾਮ ..... 
ਛੱਡ ਰਹਿਣ ਦੇ 

ਪੰਜ ਪੀਰ

 ਨਿੱਕੇ ਹੁੰਦੇ ਅਬੋਹਰ ਮੇਰੇ ਲਈ ਇਕਲੌਤਾ ਘਰ ਤੋਂ ਬਾਹਰ ਦਾ ਦਾਰਸ਼ਨਿਕ ਕੇਂਦਰ ਰਿਹਾ ਕਰੇ. ਹੋਰਾਂ ਜਵਾਕਾਂ ਵਾਂਗੂ ਮੈਂ ਨਾਨਕੇ ਜਾਂ ਦਾਦਕੇ ਨਹੀਂ ਸੀ ਜਾਣਾ ਹੁੰਦਾ. ਜਦੋਂ ਵੀ ਮਨ ਨੇ ਓਧਰ ਜਾਣਾ ਮੈਂ ਸਕੂਲ ਤੋਂ ਚੋਰੀ ਫਰਾਰ ਹੋ ਕੇ ਵੀਰਵਾਰ ਨੂੰ ਬੱਸ ਅੱਡੇ ਤੋਂ ਅਬੋਹਰ ਦੀ ਬੱਸ ਵਿੱਚ ਮੂੰਹ ਢੱਕ ਕੇ ਚੜ੍ਹ ਜਾਣਾ. 

ਟਿਕਟ ਜਿਆਦਾ ਨਹੀਂ ਸੀ. 14 ਰੁਪਏ ਆਣ ਜਾਣ ਦਾ ਕਿਰਾਇਆ ਸੀ. ਕਿਰਾਏ ਦਾ ਜਗਾੜ ਫੜ ਤੜ੍ਹ ਕੇ ਕਰਦਾ.

ਮੂੰਹ ਢੱਕ ਤੇ ਬੱਸੇ ਬਹਿ ਜਾਣਾ.  ਮੇਰਾ ਦਾਰਸ਼ਨਿਕ ਕੇਂਦਰ ਹੁੰਦਾ ਸੀ " ਪੰਜਾ ਪੀਰਾਂ ਦੀ ਦਰਗਾਹਾਂ "

ਮੈਨੂੰ ਇਹਦਾ ਪੁਰਾਤਨ ਇਤਿਹਾਸਕ ਮਹੱਤਵ ਦਾ ਖਾਸ ਪਤਾ ਨਹੀ ਲੱਗਾ ਓਹੀ ਸ਼ੈਰੀ ਦੇ ਕਹਿਣ ਵਾਂਗ  ਜਿਥੇ ਯਾਰੀ ਲੱਗ ਜਾਵੇ ਓਥੇ ਰੌਲੇ ਕੀ ਜਾਤਾਂ ਪਾਤਾ ਦੇ.

ਹਿੰਦੂ ਬ੍ਰਾਹਮਣ ਮੁੰਡਾ 7 ਸਾਲਾਂ ਦਾ ਦਰਗਾਹਾਂ ਜਾਣਾ ਗਿੱਝ ਗਿਆ ਸੀ ਬੱਸਾਂ ਦੇ ਕੰਡਕਟਰਾਂ ਨੇ ਫਿਰ ਪੁੱਛਣਾ ਕਿਉਂ ਨਾ ਹੋਇਆ.

ਬੱਸ ਦਾ ਕੰਡਕਟਰ ਬੱਗੀ ਦਾੜ੍ਹੀ ਆਲਾ ਮੇਰੇ ਡੈਡੀ ਦਾ ਜਾਣਕਾਰ ਸੀ. ਮੈਥੋਂ ਕਿਰਾਇਆ ਨਹੀਂ ਲੈਂਦਾ ਸੀ ਪਰ ਸਵਾਲ ਇੰਨੇ ਕਰਦਾ ਕਿ ਮੇਰਾ ਚਿੱਤ ਕਰਨਾ ਕਿ ਚੌਧਰੀ ਦੀ ਬੱਸ ਦੀਆਂ ਬਵੰਜਾ ਦੀਆਂ ਬਵੰਜਾ ਸੀਟਾਂ ਉਲਟੀ ਨਾਲ ਗੰਦੀਆਂ ਕਰ ਦਵਾਂ ਸਣੇ ਡਰਾਈਵਰ ਤੇ ਕੰਡਕਟਰ ਸੀਟ ਦੇ. ਮੈਨੂੰ ਸਾਰੇ ਰਾਹ ਡਰਾਉਂਦਾ ਜਾਂਦਾ. ਸੱਚੋ ਸੱਚ ਦੱਸ ਦੇ ਚੋਬਰਾ ਸਕੂਲੋਂ ਦੌੜ ਕੇ ਆਇਆ ਨਾ, ਤੂੰ ਭਤੀਜਿਆਂ ਘਰੇ ਪਹੁੰਚ. 

ਗੱਲ ਓਹਨਾ ਵੇਲਿਆ ਦੀ ਹੈ ਜਦੋਂ ਤੇਰੀ ਏਸ ਧਰਤੀ ਤੇ ਦੂਜੀ ਜਾਂ ਤੀਜੀ ਹੋਲੀ ਮਨਾਈ ਜਾਂਦੀ ਹੋਣੀ. ਮੈਨੂੰ ਇਸ ਧਰਤੀ ਤੇ 8-9 ਸਾਲ ਹੋਏ ਸੀ. ਲੋਕ ਕਹਿੰਦੇ ਸੀ ਕਿ ਮੁੰਡਾ ਮੁਸਲਾ ਹੋ ਗਿਆ ਦਰਗਾਹਾਂ ਜਾਣ ਲੱਗ ਪਿਆ. ਖੋਰੇ ਕੋਈ ਪ੍ਰੇਤ ਸਿਰ ਨੂੰ ਚੜਿਆ ਪਰ ਲੋਕਾਂ ਨੂੰ ਕੀ ਪਤਾ ਸੀ ਜੋ ਮੇਰੇ ਬਾਰੇ ਗੱਲਾਂ ਕਰਦੇ ਸੀ ਪਰ ਅੱਜ ਵੀ ਸੋਚਾਂ ਤਾਂ ਜਵਾਬ ਆਹੀ ਮਿਲਦਾ ਕਿ ਮੈਨੂੰ ਥਾਵਾਂ ਨਾਲ ਬੜੀ ਜਲਦੀ ਮੋਹ ਪੈ ਜਾਂਦਾ. ਮੇਰੇ ਹਾਣ ਦੇ ਜਵਾਕ ਘਰਦਿਆਂ ਤੋਂ ਬਿਨਾਂ ਪੁੱਛੇ ਗੁਸਲਖਾਨੇ ਨਹੀਂ ਜਾ ਪਾਉਂਦੇ ਸੀ ਮੈਂ ਉਸ ਉਮਰੇ 7-8 ਸਾਲਾਂ ਦਾ ਨਿਆਣਾ ਆਪਣਾ ਅਲੱਗ solo trip ਕੱਢ ਆਉਂਦਾ ਸੀ

ਅਬੋਹਰ ਦੀ ਪੰਜਾ ਪੀਰਾਂ ਦੀ ਦਰਗਾਹ ਵੀ ਓਦਾਂ ਹੀ ਸੀ ਕੁਝ. ਕੋਈ ਖਿੱਚ ਸੀ. ਜੇ ਤੂੰ ਮੇਰੇ ਲਿਖੇ ਵਿੱਚ ਉਹ ਜਗਾਂ ਨੂੰ ਦੇਖ ਸਕੇ ਤਾਂ ਦੇਖੀ.

ਗੂਗਲ ਫੇਸਬੁੱਕ ਕੋਲ ਉਸ ਵੇਲੇ ਦੀਆਂ ਤਸਵੀਰਾਂ ਮਜੂਦ ਨਹੀਂ ਹਨ ਜੋ ਤਸਵੀਰਾਂ ਮੇਰੇ ਜ਼ਿਹਨ ਵਿੱਚ ਸਾਂਭੀਆਂ ਹਨ.

ਬੱਸ ਦੇ ਕੰਡਕਟਰ ਨੇ ਮੈਨੂੰ ਅਬੋਹਰ ਤੋਂ ਪਿੱਛੇ 6 ਕਿਲੋਮੀਟਰ ਇੱਕ ਰੇਤੇ ਅਤੇ ਮਿੱਟੀ ਨਾਲ ਭਰੀ ਸਿੱਧੀ ਸੜਕ ਤੇ ਲਾਹ ਦੇਣਾ. ਬੱਸ ਦੀ ਬਾਰੀ ਵਿੱਚੋ ਲਹਿੰਦੇ ਹੀ ਸਾਹਮਣੇ ਇੱਕ ਮਿੱਟੀ ਦੇ ਟਿੱਬਿਆਂ ਵਿੱਚ ਦੂਰ 2 ਕਿਲੋਮੀਟਰ ਤੇ ਇੱਕ ਪਹਾੜ ਦੀ ਚੋਟੀ ਤੇ ਦਰਗਾਹ ਦਿਖਣੀ.

 

ਸਿਖ਼ਰ ਦੁਪਹਿਰੇ ਸਕੂਲ ਦੀ ਵਰਦੀ ਵਿੱਚ , ਮੋਢੇ ਤੇ ਬਸਤਾ ਟੰਗੀ ਮੈਂ ਦਰਗਾਹ ਨੂੰ ਜਾਣਾ.

ਆਸੇ ਪਾਸੇ 2 ਕਿਲੋਮੀਟਰ ਦੀ ਵਿੱਥ ਉੱਤੇ 10-12 ਘਰ ਹੀ ਹੁੰਦੇ ਸੀ. ਆਹ 200 ਮੀਟਰ ਦੀ ਵਿੱਥ ਉੱਤੇ ਪ੍ਰਸ਼ਾਦ ਦੀਆਂ ਮੰਜੀਆਂ ਡਾਹੀ ਕੁਝ ਆਸ ਪਾਸ ਦੇ ਘਰਾਂ ਵਾਲਿਆ ਨੇ ਬੈਠਾ ਹੋਣਾ. ਇਥੋਂ ਰਾਜਸਥਾਨ ਦੀ ਪੂਰੀ ਮਹਿਕ ਆਉਣੀ. ਪਾਣੀ ਦੀ ਤ੍ਰੇਹ ਨਾਲ ਗੱਲਾ ਸੁੱਕਦੇ ਹੋਣਾ. ਮੈਨੂੰ ਤੁਰੇ ਜਾਂਦੇ ਨੂੰ ਵੇਖ ਕੇ ਆਸ ਪਾਸ ਬੈਠੀਆ ਕੁੜੀਆਂ ਬੀਬੀਆਂ ਤੇ ਭਾਈਆਂ ਨੇ ਪੁੱਛਣਾ. ਛੋਹਰਾ ਪਾਣੀ ਪੀ ਜਾ. ਪ੍ਰਸ਼ਾਦ ਤੂੰ ਲੈਣਾ ਨਹੀਂ ਪ੍ਰਸ਼ਾਦ ਤਾਂ ਤੂੰ ਖਾਣ ਆਇਆ. 

ਓਹਨਾ ਦੀ ਇਹਨਾਂ ਕੌੜੀਆਂ ਗੱਲਾਂ ਕਰਕੇ ਮੈਂ ਉਹਨਾਂ ਤੋਂ ਕਦੇ ਨਾ ਪਾਣੀ ਪੀਂਦਾ ਤੇ ਪ੍ਰਸ਼ਾਦ ਮੈਂ ਲੈਣਾ ਹੀ ਕਿਉਂ ਹੁੰਦਾ. ਨਿੱਕੇ ਨਿੱਕੇ ਪੈਰਾਂ ਦੇ ਨਿਸ਼ਾਨਾ ਨੂੰ ਪੁੱਟਦਾ ਰੇਤ ਦਾ ਦਰਿਆ ਪਾਰ ਕਰਕੇ ਪੀਰਾਂ ਦੀ ਦਰਗਾਹ ਲਾਗੇ ਪਹੁੰਚ ਕੇ ਖੁਸ਼ਕ ਰੂਹ ਨੂੰ ਪਾਣੀ ਦਾ ਗਿਲਾਸ ਇੱਕ ਭਾਈ ਪਿਆਉਂਦਾ. ਅੱਜ ਤਾਹੀ ਮੈਨੂੰ ਉਹ ਰੂਹਦਾਰ ਦਾ ਨਾਮ ਯਾਦ ਨਹੀਂ ਹੋਣਾ. ਓਦੋਂ ਓਹਦੀ ਉਮਰ ਹੋਣੀ ਕੋਈ 35 ਕੁ ਸਾਲ. ਉਹ ਮੇਰੇ ਵਿੱਚੋ ਆਪਣੇ ਕਿਸੇ  ਯਾਰ ਨੂੰ ਲੱਭਦਾ ਰਹਿੰਦਾ. ਆਏ ਵਾਰੀ ਨੇ ਮੈਨੂੰ ਮੇਰਾ ਪਤਾ ਪੁੱਛਦਾ. ਮੈਂ ਹਿੰਦੀ ਫ਼ਿਲਮਾਂ ਜਿਆਦਾ ਦੇਖਦਾ ਸੀ ਇਸ ਲਈ ਡਰਦਾ ਕਦੇ ਸਹੀ ਪਤਾ ਟਿਕਾਣਾ ਨਾ ਦੱਸਦਾ. ਮੈਨੂੰ ਡਰ ਹੁੰਦਾ ਕਿਤੇ ਇਹ ਵੀ ਕੰਡਕਟਰ ਵਾਂਗੂ STD ਤੇ ਜਾ ਕੇ ਡੈਡੀ ਦੇ ਦਫ਼ਤਰ ਫੋਨ ਨਾ ਖੜਕਾ ਦੇਵੇ.

ਕੰਡਕਟਰ ਨੇ ਮੈਥੋਂ ਏਥੇ ਆਉਣ ਦੇ ਪੈਸੇ ਨਹੀਂ ਲੈਣੇ ਹੁੰਦੇ ਸੀ ਜਿਸ ਕਰਕੇ ਉਹਨਾਂ ਪੈਸਿਆਂ ਵਿਚੋਂ ਪੰਜਾ ਦਾ ਪ੍ਰਸ਼ਾਦ ਲੈ ਲੈਣਾ. ਭਾਵੇਂ ਮੈਂ ਬਾਅਦ ਵਿੱਚ ਮੈਂ ਖਾਣਾ ਕੱਲੇ ਨੇ ਹੀ ਹੁੰਦਾ.

ਓਥੇ ਮੇਰੇ ਵਕ਼ਤ ਤੇ ਭੀੜ ਨਹੀਂ ਹੁੰਦੀ ਸੀ ਪਰ ਸੁਣਿਆ ਸੀ ਰਾਤ ਤੱਕ ਹੁੰਦਿਆਂ 2 ਮੀਲ ਲੰਬੀ ਲਾਈਨ ਲੱਗਦੀ ਸੀ.

ਪੰਜ ਪੀਰਾਂ ਦੀ ਮਹਿਕ ਅੱਜ ਵੀ ਮੈਨੂੰ ਯਾਦ ਐਂ. ਓਹਦੇ ਅੰਦਰ ਜਾਂਦਿਆ ਹੀ ਰੂਹ ਵਿੱਚ ਲੱਗਦਾ ਸੀ ਕਿਸੇ ਨਿਆਮਤ ਦਾ ਪ੍ਰਵੇਸ਼ ਹੁੰਦਾ ਸੀ.

ਦਰਗਾਹ ਦੇ ਨਿੱਕੇ ਦਰਵਾਜੇ ਤੋਂ ਬਾਹਰ ਨਿਕਲ ਕੇ ਮੈਂ ਇੱਕ ਮਿੱਟੀ ਦੇ ਉੱਚੇ ਪਹਾੜ ਤੇ ਜਾ ਬਹਿਣਾ. ਜਿਥੋਂ ਸਾਰਾ ਅਬੋਹਰ ਦਿਖਦਾ ਸੀ. ਸੂਰਜ ਦੀ ਸਿਧੀਆਂ ਕਿਰਨਾਂ ਨੇ ਆਪਣਾ ਪਾਸਾ ਬਦਲਣਾ ਤੇ ਮੇਰੇ ਵੇਹਿੰਦਿਆ ਵੇਹਿੰਦਿਆ ਚਾਂਦੀ ਦੀ ਧੁੱਪ ਗੁਲਾਬੀ ਸੁਰਖੀ ਤੱਕ ਓਹਨੂੰ ਤੱਕਦੇ ਰਹਿਣਾ. ਇਹ ਮੇਰਾ ਪਹਿਲਾ ਇਸ਼ਕ ਮੁਹੱਬਤ ਸੀ.

ਡਿਵੈਲਪਮੈਂਟ ਦਾ ਘੇਰਾ ਹਾਲੇ ਓਦੋਂ ਉਸ ਸ਼ਹਿਰ ਤੇ ਨਹੀਂ ਪਿਆ ਸੀ ਪਰ ਰੇਤ ਦੇ ਪਹਾੜ ਗਰਮੀ ਵਿੱਚ ਸ਼ਾਮ ਢਲੇ ਤੇ ਕੂਲੇ ਲੱਗਣ ਲੱਗਦੇ. ਜਦੋ ਤੱਕ ਮੇਰੇ ਲੱਡੂ ਪਤਾਸ਼ੇ ਖਤਮ ਨਾ ਹੁੰਦੇ ਮੈਂ ਉੱਠਣ ਦਾ ਨਾਂ ਨਾ ਲੈਣਾ. 

ਆਏ ਵੀਰਵਾਰ ਲੋਕ ਮੰਨਤ ਮੰਗਣ ਆਉਂਦੇ ਸੀ ਮੈਂ ਕਦੇ ਕੋਈ ਮੰਨਤ ਲੈ ਕੇ ਨਹੀਂ ਸੀ ਆਉਂਦਾ ਬੱਸ ਘਰ ਮੁੜਨ ਤੋਂ ਪਹਿਲਾਂ ਹਰ ਲੰਗਰ ਵਿਚੋਂ ਇੱਕ ਇੱਕ ਬੁਰਕੀ ਜਰੂਰ ਖਾ ਲੈਂਦਾ. 

ਮੇਰੇ ਅਬੋਹਰ ਆਉਣ ਤੇ 14 ਰੁਪਏ ਸਪੌਂਸਰ ਕਰਨ ਵਾਲੇ ਸੇਲੀਆ ਬੇਲੀਆ ਲਈ ਖੀਰ ਦੀ ਡੱਬੀ ਵੀ ਭਰਵਾਂ ਲੈਂਦਾ. 

ਖੋਰੇ ਉਹ ਜਗ੍ਹਾ ਤੇ ਕਿਹੋ ਜਿਹਾ ਮਨ ਨੂੰ ਸ਼ਾਂਤ ਕਰਨ ਵਾਲਾ ਮਾਹੌਲ ਸੀ. ਮੈਨੂੰ ਉਸ ਰੇਤ ਦੇ ਪਹਾੜ ਨਾਲ ਮੁਹੱਬਤ ਸੀ. ਮੈਂ ਮੇਰੇ ਇਲਾਵਾ ਕਿਸੇ ਹੋਰ ਨੂੰ ਓਥੇ ਆਉਂਦੇ ਜਾਂਦੇ ਨਹੀਂ ਵੇਖਿਆ. ਇਹ ਜਗਾਂ ਮੇਰੇ ਘਰ ਤੋਂ 30 ਮੀਲ ਸੀ ਹਰ ਕੋਈ ਪੀਰਾਂ ਦੇ ਹੋ ਕੇ ਮੁੜ ਜਾਂਦਾ. 

ਮੇਰੇ ਇੱਕਲੇ ਆਉਣ ਤੇ ਆਏ ਵਾਰੀ ਘਰ ਜਾ ਕੇ ਮੈਨੂੰ ਮਾਰ ਪੈਂਦੀ ਪਰ ਥੱਪੜਿਆ ਦੇ ਡਰ ਖੋਨੋ ਮੈਂ ਕਦੇ ਵੀ ਆਪਣੇ ਆਪ ਨੂੰ ਏਥੇ ਆਉਣ ਤੋਂ ਨਾ ਰੋਕਿਆ. ਮੈਂ ਉਸ ਪਹਾੜ ਉੱਤੇ ਹਮੇਸ਼ਾ ਕਿਸੇ ਦੀ ਕਮੀ ਮਹਿਸੂਸ ਕੀਤੀ. 

ਹੁਣ 12 ਸਾਲਾਂ ਤੋਂ ਓਥੇ ਨਹੀਂ ਗਿਆ ਵਾਂ. 

ਖੋਰੇ ਅਗਲੀ ਵਾਰ ਜਾਵਾਂ ਤਾਂ ਸ਼ਾਇਦ ਓਥੇ ਉਹ ਰੇਤ ਦਾ ਪਹਾੜ ਭੋਰ ਦਿੱਤਾ ਗਿਆ ਹੋਵੇ.

ਮੈਨੂੰ ਉਸ ਪਹਾੜ ਦੇ ਸਲਾਮਤ ਰਹਿਣ ਦੀ ਮੰਨਤ ਮੰਗ ਲੈਣੀ ਚਾਹੀਦੀ ਸੀ.

ਡੋਰ ਭੋਰ ਵਿਚੋਂ ਨਿਕਲ ਕੇ ਘਰ ਪਹੁੰਚਦਾ ਤਾਂ ਘਰ ਮੇਰੇ ਪਹੁੰਚਣ ਤੋਂ ਪਹਿਲਾਂ ਹੀ ਮੇਰੇ ਪੀਰਾਂ ਤੇ ਜਾਣ ਦੀ ਗੱਲ ਉੱਡ ਚੁੱਕੀ ਹੁੰਦੀ.

ਕੰਡਕਟਰ ਕਿਸੇ ਦੇ ਸਕੇ ਨਹੀਂ ਹੁੰਦੇ. 

ਬੱਸ ਵਿਚੋਂ ਆਉਂਦਿਆਂ ਨੇ ਮੈਥੋਂ ਕੰਡਕਟਰਾਂ ਨੇ ਖੀਰ ਦੇ ਦਰਸ਼ਨ ਮੰਗਣੇ ਪਰ ਖੀਰ ਨਾ ਦੇਣ ਕਰਕੇ ਕੰਡਕਟਰ ਨੇ ਖੀਰ ਦੀ ਖ਼ਾਰ ਕੱਢ ਕੇ ਲੂਤੀ ਲਾ ਦੇਣੀ.  ਘਰਦਿਆਂ ਦੀ ਮਾਰ ਮੇਰੇ ਅੰਦਰੋਂ ਸਭ ਕੁਝ ਕੱਢ ਲੈਂਦੀ ਪਰ ਪੀਰਾਂ ਦੇ ਪਹਾੜ ਦੀ ਯਾਤਰਾ ਮੇਰੇ ਵਿੱਚੋ ਨਾ ਕੱਢ ਪਾਉਂਦੀ.

ਚੰਗਾ ਜਾਣਾ ਹੁਣ.

ਤੇਰੇ ਭਗਤੀ ਰਸ ਦੀਆਂ ਕਹਾਣੀਆਂ ਵੀ ਮੇਰੇ ਨਾਲ ਸਾਂਝੇ ਕਰੀਂ. 

14 ਅਪ੍ਰੈਲ 2022

ਵੈਸਾਖ ਦੀ ਪਹਿਲੀ

ਦਿਨ ਵੀਰਵਾਰ

ਬਾਕੀ ਜੇ ਕੋਈ ਵੈਸੇ ਨੇੜੇ ਹੋ ਕੇ ਮਿਲਣਾ ਚਾਹੇ ਤਾਂ LINK ਤੇ ਕਲਿਕ ਕਰ ਲਵੇ.

ਮੱਲਵਈ

ਨਿੱਤ south cafe ਉੱਤੇ ਕੋਫ਼ੀ ਪੀਂਦਾ  ਯਾਰ ਹੈ ...

ਤੇਰੀ ਯਾਦ   ਤੋਂ ਬਿਨਾ ਇਥੇ  ਸਭ ਕੁਝ ਬੇਕਾਰ ਹੈ ...

ਰੁਖੇ  ਨੇ  ਦਿਲ , ਇਥੇ ਨਾ ਕੋਈ ਗੇੜੀ ਰੂਟ ਵਾਲਾ  ਚੋਂਕ  ਹੈ ...

CGPA ਬਣਾਉਣ  ਦਾ  ਇਥੇ  ਕੱਲੇ  ਕੱਲੇ ਨੂੰ ਸ਼ੋਂਕ ਹੈ ...

ਮੰਡੀਰ  ਇਥੋ  ਦੀ  ਨੇ ਵੀ  ਅੱਤ  ਪੂਰੀ  ਚੱਕੀ   ਆ

whtsapp ਆਲਾ ਫੋਨ, ਮੁਛ੍ਹ ਤੇ ਮਾਸ਼ੂਕ ਹਰ ਕਿਸੇ ਨੇ ਰਖੀ ਆ

ਫੁਕਰ੍ਪੁਨੇ ਤੋਂ ਰਹਿਣਾ ਦੂਰ , ਨਾ ਕਰੀ ਦੀ ਲੜਾਈ ਆ  ..

ਬੱਸ  ਇੱਕ qissey ਲਿਖਣ ਦਾ ਤੇ ਦੂਜਾ  ਫਿਕਰ  ਪੜਾਈ  ਦਾ  ..

ਵੈਸੇ ਡੇਰਾ ਆਸ਼ਿਕ਼ਾ ਦਾ ਵੀ ਹੈ,  ਇਥੇ ਕੰਮ ਪੂਰਾ ਟੋਪੋ ਟੋਪ ਹੈਂ ....

ਦੇਸੀਆਂ ਅੰਗ੍ਰੇਜੀ ਦੀ ਵੀ  ਪੁਤਲੀਘਰ ਟੱਪ ਕੇ Wine ਸ਼ੋਪ ਹੈਂ ..

ਸਮੈਸਟਰ ਹੋ ਗਿਆਂ ਦੂਜਾ, ਪਾਸ  ਕਰਨਾ  ਬਾਲਾ  ਜ਼ਰੂਰੀ  ਹੈ ..

ਲੈਕਚਰ ਵੀ ਲਾਓ , assignmentaa ਵੀ ਬਣਾਓ ਇਥੇ , ਅਹਿ  ਤਾਂ  ਮਜਬੂਰੀ ਹੈ ..

ਡਿਗਰੀ  ਕਰਨੀ ਦੇਸੀ ਨੇ , ਗੋਲ੍ਡ ਮੇਡਲ ਵਾਲੀ ਗੱਲ ਵੀ ਪੁਗਾਉਣੀ ਹੈਂ ...

ਬਾਪੂ ਕਰੇ ਮਨਾ ਪਰ ਅੰਬਰਸਰਨੀ  ਇਕ ਤਾਂ  ਫ੍ਸਾਉਣੀ ਹੈ ...

ਗਲ  ਗਲ  ਤੇ  ਮੂੰਹ ਵੱਟ ਕੇ ਮਾੜੇ accent ਵਿਚ  ਸੋਰ੍ਰੀ ਬੋਲ ਜਾਂਦੀਆਂ ਨੇ

ਚਿੱਟੀਆਂ ਪੀਲੀਆਂ ਸੌੜੀ ਦਾੜੀ ਵਾਲਿਆਂ ਨਾਲ UT ਵਿਚ egg roll ਖਾਂਦੀਆਂ  ਨੇ ..

ਜੇ  ਕੋਈ ਹੋਂਸਲਾ ਕਰ ਲਵੇ ਵੀ  ਗਲ  ਤਾਂ  "do you have ride" ਪੁਛਦੀ  ਹੈ ..

ਹੋਸਟਲਰਾ ਤੇ ਬੱਸ ਪਾਸ ਆਲਿਆ ਨੂ ਦੱਸ  ਗੱਡੀ  ਕਿਥੇ  ਪੁੱਗਦੀ  ਹੈ ...

ਲੱਗ  ਲੈਣ  ਦੇ package  , ਫੇਰ  ਕੱਲੀ ਛੱਲੀ ਨੂੰ ਲਾਲ ਬੱਤੀ  ਚ  ਫੇਰ ਘੂਮਾਉਣਾ ਹੈ ...

ride ਪੁਛਦੀ  ਹੈ ਜਿਹੜੀ ਸਾਨੂ , ਕੱਲੀ ਛੱਲੀ  ਅੰਬਰਸਰਨੀ ਦਾ ਲਾਂਭਾ  ਲਾਉਣਾ  ਹੈ

ਭੁੱਲੀ ਵਿਸਰੀ

ਅੱਜ ਇੱਕ ਭੁੱਲੀ ਵਿਸਰੀ ਕਵਿਤਾ ਸਾਂਝੀ ਕਰ ਰਿਹਾ ਹਾਂ. ਭੁੱਲੀ ਵਿਸਰੀ ਕਵਿਤਾ ਦਾ ਯੂਟਿਉਬ ਲਿੰਕ : 

https://youtube.com/watch?v=KoR8EUtnNHE&feature=share